________________
भिक्ख दृष्टांत ३०३. पकवान तो कड़वा कीधा कुगुरां रा पखपाती नै साधु सुहावै नहीं। ते ऊपर स्वामीजी दृष्टंत दीयौ-जीमणवार में ताववाळो जीमवा गयो । बीजा लोकां नै कहै-पकवान तौ कड़वा कीधा।
जद लोक बोल्या-म्हांनै तो चोखा लागै। तोन कड़वा लागै सो थारा डील म जुर है। ज्यूं मिथ्यात रूपीयौ रोग तिण नै साधु चोखा न लागे ।
३०४. म्हे कातीक रा ज्योतिसो छां किणहि कह्यौ-भीखणजी थे ढाळां मै टोळावाळां रा चरित ओळषाया सो थांने किसी खबर पड़ी। ___ जद स्वामीजी बोल्या-म्हे आषाड़ महीनां रा ज्योतसी नहीं छां । काती महिनां रा ज्योतसी छां। ज्यं आषाड़ महीनां रौ ज्योतसी हुवै ते आगूच काती महिनां रौ धान रौ भाव बतावै ।
ज्यं म्हें आगमीया काळ आश्री न कही।
अने काती महीनां रौ ज्योतषी ते भाव वर्ते तेहीज कहै । . ज्यूं म्हे वर्तमान चिरत देख्या जिसा बताया।
३०५. मिथ्यात रोग गमावा रौ अर्थी मिथ्यात रूपीयौ रोग गमावा रौ अर्थी तिणनै सरधा आचार री ढाळां विशेष प्यारी लागै तिण ऊपर स्वामी दृष्टंत दीयौ-ज्यू वैद कहै-लौ तेजरा री गोळी, लौ तेजरा री गोली । तौ तेजरौ गमावा रौ अर्थी तिणनै तेजरा री गोळी विशेष प्यारी लागै।
ज्यूं श्रद्धा आचार री ढाळां साध श्रावक नै तौ प्यारी लागै ईज है। अनै उणानै विशेष प्यारी लागै।
३०६. नीसाणे चोट लागे है मिथ्यात मिटावा स्वामीजी हेतु युक्ति दृष्टंत देवै । जद किण हि पूछयौ -इतरा हेतु युक्ति दृष्टत क्यू आंणौ ।
जद स्वामीजी बोल्या-नीसांणै चोट लागै है। नीसांणा विना चोट नहीं।
ज्यूं मिथ्यात गमावा नै अर्थे हेतु युक्ति दृष्टंत देवां हां।
