________________
दृष्टांत : ३०७-३१०
३०७. ओ मार्ग किता वर्ष चालसी ? किण हि पूछयौ-आप रो इसौ सांकड़ो मारग कितराइक वर्ष चालतो दीसै है ?
जद स्वामीजी बोल्या-सरधा आचार मै सेंठा रहै । वस्त्र पात्र उपगरण री मर्यादा न लोपै । थानक नहीं बंधीजै। तठा ताईं मारग चोखौ हालतौ दीसै है।
___ आधाकर्मी थानक बंध्यां वस्त्र पात्र री मर्यादा लोप देवै कल्प लोपन रहिवौ करै, जद ढीला पड़े, अनै मर्यादा प्रमाणे चालै जितरै ढीला न पड़े।
३०८. नाम में फेर है ___ आधाकर्मी थानक मै रहै अनै घर छोड्या कहै, तिण ऊपर स्वामीजी दृष्टंत दीयौ-ज्यं जती रै उपासरौ। मथेरण रै पोशाल । फकीर रै तकीयौ । भक्तां रै अस्तल । फुटकर भक्तां रै मंढी। कानफड़ां रै आसण। संन्यासां रै मठ रामसनेहियां रै रामदुवारौ, कठे यक कहै राममोहिलो । घर रा धणी रै घर । सेठ रै हवेली । गाम रा धणी रै कोटरी । कठे यक कहै रावलो । राजा रै मैहल तथा दुरबार । अनै साधां रै थानक । नाम मै फेर है, बाकी सगला घर रा घर है। __कठे क कसो बूही । कठे यक कुदाला बहा। पिण छ काया रौ आरम्भ तौ ज्यूं रौ ज्यूं परहौ हुऔ।
३०९. उवे तौ खप करै है अमरसोंगजी रै बड़ेरो बोहतजो नै किणहि पूछ्यौ-शीतळजी रा साधां मै साधपणौ है ?
जद बोहतजी कह्यौ–उणा मै तौ किहां थी, हूतौ मोमें ई न सरधूं ।
जद फैर पूछ्यौ-भीखणजी मै साधपणौ है ? जद बोहतजी कह्यौउणा मै तौ हुवै तौ अटकाव नहीं। उवे तौ खप करै है।
३१०. भोखणजी चोखा साध है जैमलजी पुर मै वखाण देतां घणी परिषदा मै किण हि गृहस्थ पूछ्यौभरी सभा मै मिश्र भाषा बोल्यां महामोहणी कर्म बंधै । भीखणजी साध है के असाध ? ___जद जैमलजी बोल्या-भीखणजी चोखा साध है, पिण म्हांनै भेषधारीभेषधारी कहै तिण तूं म्हे ई निह्नव कहां छां ।
