________________
भिक्खु दृष्ट
साची श्रद्धा री रहिस बैठी तौ पिण आगला सेंहदा कुगुरु त्यांरौ संग छोड़े नहीं ।
१०४
२७२. हिंसा रा कामी
सं० १८५५ पाली में हेमजी स्वामी टीकमजी सूं चरचा करतां एक मेसरी बोल्यो – सर्प ने च्यार पइसा देई काळबेल्या कनां थी छुड़ायौ तिण रौ कांई थयौ ?
जद टीकमजी बोल्यौ - चोखौ धर्म थयौ ।
जद ऊ मेसरी बोल्यो - ते सर्प पाधरो ऊंदरां ना बिल मा गयौ ।
जद टीकमजी बोल्यो - मांहै अंदरौ हुसी नहीं तौ ।
ए बात हेमजी स्वामी स्वामीजी ने आय कही ।
जद स्वामीजी बोल्या - किणहि कागला नै गोळी बाही । कागलौ उड़ तौ कागला रौ आउषौ ऊभौ । पिण गोली वावणवाळा नै तौ पाप लाग चूक | ज्यूं साप छोडायौ ते साप उंदरां ना बिल माहै गयौ । माहै ऊंदरौ नहीं तौ ऊंदरा माथे भाग । पिण सर्प नै छोड़ावण वाळौ तौ हिंसा रौ कामी ठहर चूकौ ।
भीखणी स्वामी हेमजी स्वामी ने कह्यौ इसौ जाब देणौ ।
२७३. बखांण सीख
हेमजी स्वामी दिख्या लेइ दसवैकालिक सीख्या । पछै उत्तराध्ययन सीखवा लागा ।
'जद स्वामीजी बोल्या - बखांण सीख । कंठकला है तिण सूं । मुदै उपगार तो बखाण रौ है । मोटा पुरसा रै इसी उपगार नीं नीत ।
३७४. बखाण थोड़ा
हेमजी स्वामी ने भारमलजी स्वामी कह्यौ -म्हे टोळा वाळा माहै थी नीकल्या | जद केतला एक वर्षां तांई चौमासा मै अंजणा देवकी रौ वखाण तीन-तीन बार बांचता । बखाण थोड़ा तिण कारण ।
२७५. नदी ₹ दो तीरां पर
सं० १८२४ भीखणजी स्वामी तो चौमासौ कंटालीयै कीधौ । भारमल जी स्वामी नै बगड़ी करायौ । बीच में नदी वहै सो मोटापुरुषां पहिला कहि राख्यौ तिण सं नदी री ऊली तीर तौ स्वामीजी पधारता अनै पैली तीर • भारमलजी स्वामी पधारता । माहोमाहि वातां कर हेतु युक्ति सीख मति
