________________
२२. दस ही द्वार अपार रसीला शीलाश्रित संवाद |
सुप्त चेतना स्फुरणा सागै जागै अंतर्नाद ।। २३. आलोयण' अरु व्रत - आरोपण खमतखामणारे सार । पाप अठारै वारै, धारै सुखकर शरणां च्या ।। २४. दुष्कृत-निन्दा सुकृत-प्रशंसा" विदित भावना द्वार।
आजीवन अनशन कर समरो प्रवर मन्त्र - नवकार ।। २५. निर्मलता निश्छलता निपजै खलता रो प्रतिकार ।
दिल उज्ज्वलता सहज सरलता आराधन अधिकार ।। २६. पतनशील परिणाम पलक में धावै दृढ़ता- दोर ।
आराधन में वीर-वृत्ति रो भाव भर्यो 'जय' जोर ।। २७. सुणत अचेतन एक बार तो मानो होय सचेत ।
बंद जबान गान हित हिचकै आराधन स्थिर-चेत ।। २८. शूरपणो कायर - चित चमकै घमकै जब रणतूर ।
त्यूंजय-कृत ‘आराधन' सुणतां पौरुष होत प्रपूर ।। २६. गणिवर अनुपम शांत रसाप्लुत अद्भुत अंग उमंग ।
तन-मन संयम-रंगे रंगै जाणक जीतै जंग ।। ३०. च्यारूं तीरथ संगे कीधा खमतखामणा स्वाम ।
स्वमति अन्यमति सहज खमावै ल्यावै सम परिणाम ।। ३१. संध्या मैं प्रतिक्रमण सुणायो बैठ्यो सारूं सेव । पांच महाव्रत मुझ उचरादै यूं भाखै गुरुदेव ।। ३२. गुरुवर नै महाव्रत उचराऊं पाऊं मन संकोच । पर इंगित - आराधन करणो आखिर यूं आलोच ।। ३३. दशवैकालिक सूत्र - पाठ महाव्रत चौथो अध्येन ।
मैं उचराऊं अक्षर-अक्षर सुण पावै गुरु चैन || ३४. बार-बार नवकार मन्त्र से आप जप्यो मुख जाप ।
आयू माप अल्प-सो जाणी नाणी थिरता थाप ।। ३५. कब ही आंख्यां खोलै बोलै होळ-सी आवाज ।
कब ही पोढ़े कबहि विराजै वेदन बेअंदाज ।। ३६. गांव-गांव रा लोक हजारां प्रतिदिन दरसण काज ।
एक नाळ चढ़ दूजी उतरै निशिदिन पंक्ती साझ ।। ३७. डॉक्टर वैद्य हकीम कीमती आया पाया तोष । पण इण अंगे आ बेमारी देख कियो अफसोस ।।
उ.६, ढा.१० / २०७
