________________
७. ऋतु बसंत धुर दिवस में, विहरत सुगुरु सनूर ।
सातम पगमंडा किया, करुणानिधि 'केसूर' ।। ८. च्यार दिवस अधिवास ही, मान्यो कर चौमास ।
होय 'मणासै ' 'नागदै', दो दिन कियो निवास ।। ६. बड़बखते गुरु 'बखतगढ़' की करुणा दिन च्यार । पधरावत 'झखणावदे', मही नदी भयकार ।। १०. मणां टणां भारे भय, पत्थर धय अथाग । पड़ी दराड़ां प्हाड़ ज्यूं, भीषण घण भूभाग ।। ११. निरख अचानक एकलो, हुवै भयाकुल गात ।
बेहद विषम विहामणी, लोक- शास्त्र - विख्यात ।। १२. गंगा जमुना कोसिया, सरयू मही महान ।
पांच नदी आगम-प्रथित', सुणी हुसी सुज्ञान ।। १३. पत्थर- पत्थर चरण धर, बिन फरस्यां जल नाथ । मही नदी लंघी बही, म्है हा सारा साथ ।।
सुजा...ण सुणो, रे सुजा...ण सुणो, श्री कालूयशोविलास-कहाणी जा....ण सुणो रे । सुजा...ण सुणो, रे सुजा...ण सुणो, श्री गुरुवर री वाणी स्थिरता ठाण सुणो रे ।।
१४. अब झखणावद पथ में आयो, पायो पूज्य - प्रसाद ।
ठाकुर साहिब सजधज साझ्यो, साम्हेळो साह्लाद।। १५. सारो पुर पावन कर माण्यो, जाण्यो सफल जमार।
सुरतरु- सुगुरु अमिय-घन बूठो, तूठो ज्यूं करतार ।। १६. जातऱ्यां री खातरी रे, श्रद्धालू हद सार ।
पांच दिवस सेवा सझी रे, पूज्य परम उपकार ।। १७. 'तारखेडि' पथ 'पटलावद ' में, जम्यो सजोरो झण्ड । चैत्र पूर्णिमा पूज्य पधार्या, साधे संघ अखण्ड ।।
१. बृहत्कल्प उ. ४ सू. २७
२. लय : चामड़ा री पूतली.
१५४ / कालूयशोविलास-२
