________________
६. बेबुनियाद विरोध-बवण्डर भारी तूद उठायो,
छाप छाप पेंफलेट शहर भर वातावरण बणायो । 'धर्मे जय पापे क्षय' आखिर फळसी ओ ओखाणो ।। १०. दीक्षा-रोकण दरखासां खासा महलां पहुंचाई,
कसर न राखी राई-पाई भारी धूम मचाई। जाळी हुंडी चलै न जग में, साच स्वयं उभराणो ।। ११. राणो तेरापंथ-प्रणाली भाली क्यूं भरमावै,
मुरड्याजी' द्वारा गुरुवर नै गुप्त अरज करवावै । आदत स्यूं लाचार लोग है, जरा न दिल घबराणो ।। १२. मैं दिल्ली जावूं तिण पहली जदि दीक्षा हो ज्यावै,
तो सब हाल-हकीकत म्हांरी निजऱ्यां स्हामी आवै । पाछल स्यूं हक नाहक कोई दुष्ट रचै दुष्टाणो ।। १३. सुण संकेत सचेत संघपति जोर गोर फरमावै,
पांच कार्तिक बिद दीक्षा की तिथि निर्णीत करावै । दीक्षार्थी मन मुदित क्षुधित ज्यूं देखी पुरस्यो भाणो ।। १४. महाराणा पंडित सुखदेव सहाय मिनिस्टर * भेट्या,
सेठ चौपड़ा निज प्रभाव स्यूं सारा विघ्न समेट्या' । रेजिडेन्ट साहिब' पण प्रातः देख्यो पूज्य ठिकाणो ।। १५. परिषद - पूरित पंचायत नोहरो निज निजरां ठावै,
राजा रो विदित बैद चम्पक चातुर्य सझावै । देखी देव-दिदार सार गोरांग-चित्त चकराणो ।। १६. श्री कालू री अक्षत पुण्याई रो पार न पावै,
शेषनाग अनुराग जाग जदि सँहस - वदन स्यूं गावै । प्रथम ढाळ पंचम उल्लासे मधुरगीत गुंजाणो ।।
१. हीरालालजी मुरड़िया
२. देखें प. १ सं. २५
३. भोपालसिंहजी
४. उदयपुर के प्राइम मिनिस्टर
५. देखें प. १ सं. २६
६. लेफ्टिनेंट कर्नल बीथम
७. देखें प. १ सं. २७
१२८ / कालूयशोविलास-२
