________________
भुजंगप्रयात छंद २५. चहूं ओर चंगी जुड़ी झंगि भारी,
कहूं जंगि-जंगी वटां री जटा री। कहीं निम्ब कादम्ब जम्बाम्ब झारी,
खरी शूल बंबूल जीहा जमां री।। २६. कहीं खक्खराटी हुवै खक्खरां री,
कहीं घग्घराटी वहै वग्घरां री। धहूड़ा लहूड़ा महूड़ा मरारी,
कहीं दंड-थूरां वकूरां वरां री।। २७. किते फेतकारां फरक्कत्त फेरू,
किते फुप्फणारां अरक्कत एरू। किते घूक-संघाट घुग्घाट घेरू,
किते बुक्कबुक्काट-केरू वनेरू ।। २८. किते गहरां गोड़ गुंजां गड़क्के,
किते क्हेर केधों निकुंजां धड़क्के । किते टोल खंडोल खड्डां खड्क्के,
किते पाय ठड्डां जु रेणू रड़क्के।। २६. खड़ी एकतों मेदघट्टी निकट्टा,
बड़ी बींखड़ी हेत है ही विकट्टां। कहीं चाढ़ बाढ़ कहीं ताढ़ गाढ़,
कहीं प्हाड़-प्हाई पड़े ठाढ़-ठाढू ।। ३०. विचालां खुगालां पड़ी है विशालां,
कराला कमालां जड़ी खाळ जालां। भणंके भणण्णाट स्यूं भट्टभेड़ा,
झणंके झणण्णाट स्यूं नीर-तेड़ा।। ३१. सणंके सणण्णाट वारी बगद्दां,
रणंके रणं रेलगाड़ी रगद्दां। कहीं बोझ-बोझा कहीं रोझ-मोजां,
कहीं पान्थ-फोजां बहे खोज-खोजां ।। ३२. झणं झंकरावां अटव्वी अटारी,
खणं खंखरावां सकै कोण ठारी।
उ.४, ढा.१० / १०३
