________________
४०६
भिक्षु वाङ्मय-खण्ड-१० १०. जब ओं कहे दोनूं हाथ जोडने रे हां, मोमें ग्यांन अकल नही काय।
हूं तो विना विचारयों बोलीयो रे हां, सुध-बुध विना काढी वाय।।
११. जब भरत जी इणनें समझायवा रे हां, कहें सेवग पुरुष बोलाय।
नगरी बारें इणनें ले जायने रे हां, जूआ करों जीव काय॥
१२. इम सुणनें लागों धर धर धूजवा रे हां, मरण सूं डरीयो ताहि।
जब ओ कहें मोनें मारो मती रे हां, म्हारो सर्व धन ल्यो माहाराय।।
१३. भरत जी कहें इमतों छोडूं नहीं रे हां, छोडण री छे एक वात।
चिहूं दिस फिरें बाजार में रे हां, तेल भरीयों वाटकों ले हाथ।।
१४. तेल टबकों न्हांखे नही रे हां, पाछों कुसले ल्यावें मो तांय।
जब तोनें छांडां जीवतो रे हां, ओर उपाय तो नहीं कांय॥
१५. जब ओं कहें ओंतों म्हांसू हुवें नहीं रे हां, जीवा राखों भावों न्हांखो मार।
जब किणही कह्यों तूं मान ले रे हां, वचन कर लें अंगीकार।
