________________
दुहा १. चकरत्न पूठे पूठे चालता, सेन्या सहीत साहस धीर।
उतकटो सिंघनाद करता थका, आया उमगजला में तीर।।
२. जब वढइरत्न बोलायनें, कहें , भरत माहाराय।
उमगजला नदी में विर्षे, पाज बांधो सताब सूं जाय।।
३. अनेक सइकडांगमे, थांभा लगाए ताहि।
ते चलें कंपें नही तेहवा, वळे आलंबन भीत वणाय।।
४. ते कीजें सगलाइ रतन में, सुखे सेन्या उतरें जिम ताहि।
ते करे वेग सताब सूं, पाछी आगना सूपे आय।
५. वढइरत्न सुण हरखत हूवो, पाज बांधी सताब सूं जाय।
उमग-निमगजला उपरें, करनें आग्या पाछी सूंपी आय।।
६. जब भरत नरिंद सेन्या सहीत सूं, सुखे नदी उतरीया तांम।
तमश्र गुफानों उत्तर दुवार ,, आय ऊभा तिण ठांम।।
७. ते कमाड आफेइ ऊघड्यां, मोटा मोटा करता शब्द।
सर सर करता पाछा ऊसत्या, आ पुन तणी छे लब्द।।
८. तिण कालें में तिण समें, आपात नामें चिलात।
एकदा प्रस्तावें त्यांरा देस में, उठ्या घणा उतपात।।
९. ते कुण कुण उतपात उठ्या तिहां, आगुच लखायों वूराकार।
उदेग पांम्या , किण विधे, ते किण विध करें छे विचार।।
