________________
१०६
भिक्षु वाङ्मय-खण्ड-१० १६. जी हो रिषभदेवजी ने केवल उपनों, चक्ररत्न उपनों आवधसाल।
जी हो पोतों हूवो घरे आप रें, तीनूं आइ बधाइ समकाल।।
१७. जी हो रिषभदेवजी ने उपनों, रूडो केवलग्यांन अनूंप।
जी हो पेंहली बधाइ दीधी तेहनें, घणा महोछव कीया धर चूंप।।
१८. जी हो पोतो हुवो घरे आप रें, तिणनें पछे बधाइ दीध।
जी हो जन्म महोछव तेहना, मोटें मंडांण सूं कीध।।
जी हो चक्ररत्न उपना तणी, सेवग दीधी बधाइ आंण। जी हो पछे दीधी बधाइ तेहनें, महोछव कीया छे मोटें मंडांण।।
२० जी हो रिध जठी तठी थी आए मिली, ते पुन तणे परमाण।
जी हो भरत नरिंद राजद नें, पूर्व तप तणा फल जाण।।
२१. जी हो आ रिध संपत भरतजी तणे, मिली , वनीता में आंण।
जी हो हिवें छ खंड साजवा भणी, नीकलें , मोटें मंडांण।।
२२. जी हो पोताना बल प्रक्रम करी, लेसी छ खंड में जीत। जी हो सेन्यादिक साथे लेजावसी, ते तों मोटा राजा री , रीत।
भरतेसर पुन तणा फल जांण।। २३. जी हो पूर्व तप प्रभाव थी, मिलसी सगलाइ थोक।
जी हो वळे संजम ले तपसा करे, इणहीज भव जासी मोख।।
