________________
२७८
सुरूवस्स णं भूतिंदस्स भूतरन्नो चत्तारि अग्गमहिसीओ पन्नत्ताओ, तंजहारूववती, बहुरूवा, सुरूवा, सुभगा, एवं पडिरूवस्स वि ।
पुण्णभद्दस्स णं जक्खिंदस्स जक्खरन्नो चत्तारि अग्गमहिसीओ पन्नत्ताओ, तंजहा-पुत्ता, बहुपुत्तिता, उत्तमा, तारगा । एवं माणिभद्दस्स वि । ____ भीमस्स णं रक्खसिंदस्स रक्खसरन्नो चत्तारि अग्गमहिसीओ पन्नत्ताओ, तंजहा-पउमा, वसुमती, कणगा, रतणप्पभा । एवं महाभीमस्स वि ।
किंनरस्स णं किंनरिंदस्स चत्तारि अग्गमहिसीओ पन्नत्ताओ, तंजहावडेंसा, केतुमती, रतिसेणा, रतिप्पभा, एवं किंपुरिसस्स वि । सप्पुरिसस्स णं किंपुरिसिंदस्स किंपुरिसरन्नो चत्तारि अग्गमहिसीओ पन्नत्ताओ, तंजहारोहिणी, णवमिता, हिरी, पुप्फवती, एवं महापुरिसस्स वि । __ अतिकायस्स णं महोरगिंदस्स चत्तारि अग्गमहिसीओ पन्नत्ताओ, तंजहाभुयगा, भुयगवती, महाकच्छा, फुडा, एवं महाकायस्स वि । ___गीतरतिस्स णं गंधव्विंदस्स चत्तारि अग्गमहिसीओ पन्नत्ताओ, तंजहासुघोसा, विमला, सुस्सरा, सरस्सती, एवं गीयजसस्स वि ।। ___चंदस्स णं जोतिसिंदस्स जोतिसरन्नो चत्तारि अग्गमहिसीओ पन्नत्ताओ, तंजहा-चंदप्पभा, दोसिणाभा, अच्चिमाली, पभंकरा । एवं सूरस्स वि, णवरं सूरप्पभा, दोसिणाभा, अच्चिमाली, पभंकरा ।
इंगालगस्स णं महग्गहस्स चत्तारि अग्गमहिसीओ पन्नत्ताओ, तंजहाविजया, वेजयंती, जयंती, अपराजिता । एवं सव्वेसिं महगहाणं जाव भावकेउस्स। ___ सक्कस्स णं देविंदस्स देवरन्नो सोमस्स महारन्नो चत्तारि अग्गमहिसीओ पन्नत्ताओ, तंजहा-रोहिणी, मयणा, चित्ता, सोमा । एवं जाव वेसमणस्स।
ईसाणस्स णं देविंदस्स देवरन्नो सोमस्स महारन्नो चत्तारि अग्गमहिसीओ पन्नत्ताओ, तंजहा-पुढवी, राती, रयणी, विजू । एवं जाव वरुणस्स ।
[टी०] अन्तराधिकारादेव देवपुरुषाणां स्त्रीकृतमन्तरं प्रतिपादयन् चमरस्सेत्यादि
