________________
૨૪૪
दीहरफणिंदनाले, महियरकेसरदिसामहदलिल्ले।
ओ ! पीयइ कालभमरो, जणमयरंदं पुहविपउमे ॥८॥ छायामिसेण कालो, सयलजिआणं छलं गवसंतो। पासं कह वि न मुंचइ, ता धम्मे उज्जमं कुणह ॥९॥ कालम्मि अणाइए, जीवाणं विविहकम्मवसगाणं । तं नत्थि संविहाणं, संसारे जं न संभवइ ॥१०॥ बंधवा सुहिणो सव्वे, पिअमायापुत्तभारिया। पेअवणाओ निअत्तंति, दाऊणं सलिलंजलिं ॥ ११ ॥ विहडंति सुआ विहडंति, बंधवा वल्लहा य विहडंति । इक्ो क्हविन विहडइ, धम्मोरे जीव! जिणभणिओ॥१२॥ अडकम्मपासबद्धो, जीवो संसारचारए ठाइ। अडकम्मपासमुक्को, आया सिवमंदिरे ठाइ ॥१३ ॥ विहवो सज्जणसंगो, विसयसुहाई विलासललिआई। नलिणीदलग्गघोलिर-जललवपरिचंचलं सव्वं ॥१४॥ तं कत्थ बलं तं कत्थ, जुव्वणं अंगचंगिमा कत्थ ? । सव्वमणिच्चं पिच्छह, दिटुं नटुं कयंतेण ॥१५॥ घणकम्मपासबद्धो, भवनयरचउप्पहेसु विविहाओ। पावइ विडंबणाओ, जीवो को इत्थ सरणं से ? ॥१६॥
