________________
७८
आचार्यश्रीअभयदेवसूरिविरचितटीकासहित समवायाङ्गसत्र कीतमाहट जाव अभिक्खणं अभिक्खणं सीतोदयवियडवग्घारियपाणिणा असणं वा पाणं वा खाइमं वा साइमं वा पडिगाहेत्ता भुंजमाणे सबले १। . णियट्टिबादरस्स णं खवितसत्तयस्स मोहणिजस्स एक्कवीसं कम्मंसा संतकम्मं पण्णत्ता, तंजहा- अपच्चक्खाणकसाए कोहे, एवं माणे माया 5 लोभे । पच्चक्खाणकसाए कोहे, एवं माणे माया लोभे । संजलणे कोधे, एवं माणे माया लोभे । इत्थिवेदे, पुमवेदे, णपुंसयवेदे, हासे, अरति, रति, भय, सोके, दुगुंछा २। ___ एक्कमेक्काए णं ओसप्पिणीए पंचम-छट्ठीतो समातो एक्कवीसं एक्कवीसं
वाससहस्साई कालेणं पण्णत्तातो, तंजहा- दूसमा, दूसमदूसमा य ३। 10 एगमेगाए णं उस्सप्पिणीए पढम-बितियातो समातो एक्कवीसं एक्कवीसं वाससहस्साई कालेणं पण्णत्तातो, तंजहा- दुसमदुसमा, दुसमा य ४।।
[२] इमीसे णं रयणप्पभाए पुढवीए अत्थेगतियाणं नेरइयाणं एक्कवीसं पलिओवमाइं ठिती पण्णत्ता १।
छट्टीए पुढवीए अत्थेगतियाणं नेरइयाणं एक्कवीसं सागरोवमाई ठिती 15 पण्णत्ता २।
असुरकुमाराणं देवाणं अत्थेगतियाणं एक्कवीसं पलिओवमाइं ठिती पण्णत्ता ।
सोहम्मीसाणेसु कप्पेस अत्थेगतियाणं देवाणं एक्कवीसं पलिओवमाई ठिती पण्णत्ता ४॥ 20 आरणे कप्पे देवाणं उक्कोसेणं एक्कवीसं सागरोवमाई ठिती पण्णत्ता ५।
अच्चुते कप्पे देवाणं जहण्णेणं एक्कवीसं सागरोवमाई ठिती पण्णत्ता ६।
जे देवा सिरिवच्छं सिरिदामगंडं मलं किटिं चावोण्णतं आरणवडेंसगं विमाणं देवत्ताते उववण्णा तेसि णं देवाणं एक्कवीसं सागरोवमाई ठिती पण्णत्ता ७। १. संतकम्मा पण्णत्ता खहर ।
