Updeshmala

SR No.: 023515
Original Sutra Author: N/A
Author: Unknown
Publisher: Unknown
Total Pages: 574
Language: Sanskrit, Hindi
Classification: Book_Devnagari
File Size: 15 MB

Page 289

उपदेशमाला विशेषवृत्तौ |
गुण
गुणप्रशंसा
ऽसहनेपीठमहापीठ सन्धिः ।
॥२४७॥
जर आईगयमुत्तत्यो, जाओ अचिरेण चेव गाथाइरसेणपामूले । नियलहुसहोयरेहिं, चाहिं नजाति महाभोगे, भोगे नियपुव्व-
सिरिवइरनाभचक्किस्स, चक्करयणपि तंमि खणे ॥४१॥ सिरिधम्मचक्कवट्टी, जाओ सो वइरसेणमुणिसीहो। इयरो वि पुक्खलावइ-समग्गविजयाहिवो चक्की ॥ ४२ ॥ चउरो वि महामंडल-सामी ते तेण भाउणो विहिया । भुंजंति महाभोगे, भोगे नियपुव्वपुन्नेहिं ॥४३॥ सिरिवइरनाभचक्की, कयाइ जिणवइरसेणपामूले । नियलहुसहोयरेहि, चउहिं वि सह तेहिं पव्वइओ ॥४४॥ अह अहिगयसुत्तत्थो, जाओ अचिरेण चेव गीयत्थो। सिरिवइरनाहसाहू, साहियदुस्साहभावरिऊ ॥ ४५ ॥ सिरिवइरसेणजिणकुंजरेण जाणित्तु वग्गुजोग्गत्तं । पंचसए परिवारे, सूरिपयं पाविओ समए ॥ ४६ ।। सारण-वारण-चोयण-पडिचोयण-झाण-नाणनीरभरे । गच्छसमुद्दे जो तम्मि, कन्नधारो व्व रेहेइ ॥ ४७ ॥ बाहू वेयावच्चंमि, निच्चले सत्तसत्तमपवित्ती। गच्छस्स तस्स गिन्हइ, अभिग्गहं गरुयवेरग्गो ॥ ४८ ॥ फासुयएसणीएहिं, पाणासणओसहाइवत्थूहि । खूणं खणंपि रक्खइ, अइसिक्खियचोक्खसिक्खाए ॥४९॥ वेयावच्चं निच्चं, सच्चं चिय सच्चवेइ अच्चंतं । “ सव्वं किर पडिवाई, वेयावच्चं अपडिवाई" ॥५०॥ " पडिभग्गस्स मयस्स व, नासइ चरणं सुर्य अगुणणाए । नहु वेयावच्चकयं, सुहोदयं नासइ कम्म" ॥५१॥ वेयावच्चे परिसंठियस्स सद्धाए काउकामस्स । लामो चेव तवस्सिस्स, होइ अदीणमणसस्स ॥ ५२ ।। पइवासरंपि विस्सामणाए सव्वाण ताण साहूणं । नियमं सुबाहुसाहू, विसाहए साहसेक्कनिही ॥ ५३ ॥ जह जह सो विस्सामइ, साहू सव्वे वि सव्वजत्तेण । तह तह तणुयंपि तणू, करेइ चिरपावपरिवाडि ।। ५४ ॥ सिरिवइरनाहसूरी, परिसाए पसंसए सया तेसिं । वेयावच्चं विस्सामणं च तमणन्नसामन्नं ॥ ५५ ॥ तो पीढमहापीढा, पढमाणा पवयणथमच्चत्थं । सोऊणमिणं चिंतंति, चित्ते नियकम्मदोसेण ॥५६ ॥ इह गुरुकुले वि दीसइ, जो राउलदेउलेसु ववहारो। नियकजे जो सज्जइ, स पसंसिज्जइ गुरूहि पि ।। ५७ ॥ सत्थपरमत्थवित्थरथिरचित्ता वट्टिमो वयंपि सया। न उणऽम्हाणं परिसाए, सूरिणो लिंति नामपि ॥५८॥ सूरीहिं सम्ममाराहिएहिं ठाणेहिं वीसहि वि बद्ध । तित्थयरनामगोयं, सिरोमणी सव्वपुन्नाणं ॥ ५९॥ सुकयं कयावयाणो, बाहू बंधिसु चक्कवट्टिफलं । नियबाहूहिं सुबाहू, वीसामितो य बाहुबलं ॥ ६॥ पीढमहापीदेहिं, इत्थीभावो पभाविओ तेहिं । जमपत्तियं गुरुसुं, नालोइयमंतसमए वि ॥६१।।
॥ २४७॥