Updeshmala

SR No.: 023515
Original Sutra Author: N/A
Author: Unknown
Publisher: Unknown
Total Pages: 574
Language: Sanskrit, Hindi
Classification: Book_Devnagari
File Size: 15 MB

Page 179

उपदेशमालाविशेषवृत्तौ जम्बूचरित्रे
॥ १३७ ॥
मंगलस् मुहकमलं । तुह पिच्छिऊण होमो वच्छ ! कयत्थाई सत्थाई ॥ २०० ॥ जंपेइ जंबुनामो, माए ! मन्नामि सम्मयमिमं ते । कयपरिणयस्स जइ नाम, सम्मयं मज्झवि कुणेह ॥ १ ॥ तो धारिणीसमुद्दप्पियपमुहाणटुसत्थवाहाणं । पउमावइपमुहाणं, अटुं सत्थवाहीणं ॥ २ ॥ वरइ अरं कन्नाओ, सुवन्नवन्नाउ अट्ठ धन्नाउ । समरूवजोव्वणाओ, उब्वणकंदप्पप्पाओ ॥ ३ ॥ सिंधुमई पउमसिरी य, पउमसेणाय कणयसेणा य । देवभवभारियाओ, इमाओ ता चेव चत्तारि ॥ ४ ॥ अन्नाउ नागसेणा, कणगसिरी • कमलवइ जयसिरी य । तेहिं विवाहो तासिं, महरिहरिद्धीए पारद्धो ॥ ५ ॥ गुम (रु) गुमिरमद्दलुद्दाम सद्दकुदंतकामिणीसमूहं । वित्तं पाणिग्गणं, जंबूपहुणो कया पूया ॥ ६ ॥ कयकोउगमंगलो, सव्वालंकारभूसियसरीरो । सह ताहिं वासगेहे, गओ निसार नववहूहिं ॥ ७ ॥ सिंहासणे निसणे, अट्टहिं वर विट्ठरोवविट्ठाहिं । सहइ सह तत्थ ताहिं पवयणमायाहिं धम्मो व्व ॥ ८ ॥
इओ य - जयपुरनरिंदविझस्स, आसि अंगुब्भवो पभवनामो । पिउणा पहुस्स लहुणो, सुयस्स नियमप्पियं रजं ॥ ९ ॥ जयपुरपुरसेहरए, संजाए पत्थवंमि पहुनामे । पभवो समाणमाणाओ, निग्गओ जयपुराहितो ।। २१० | विंझगिरिपायमूले, कडगनिवेसं कराविऊण ठिओ । सन्निहियसत्थगामाइल्डणाईहिं जीवेइ ॥ ११ ॥ जाणिन्तु जंबुनामस्स, परिणयेणऽत्थलच्छिविच्छहुँ । रायगिहे रयणीए, उन्भडभडचडगरेण गओ ॥ १२ ॥ ओसोयणिविज्जाए, सोयाविऊण जणमसेसंपि । सो जाइ जंबुनामस्स, मंदिरे मेरुसिहरेव्व ॥ १३ ॥ तालुग्घा डणिविज्जाए, तालयाई विद्दाडिऊण लहुं । विवरियसव्वदुवारे, पविसइ नियमंदिर व्व तहिं ॥ १४ ॥ घरहरघोरंतजणाहिं, जाव तेणा विभूसणाईयं । उल्लुंटणाय लग्गा समग्गभंडारगाणं पि ।। १५ ।। नीसंकमाणसो तो, भणेइ सिंहासणे समासीणो । जंबूनामो भो मा, छिवेह पाहुणयजणमेयं ॥ १६ ॥ वयणेण तेण तेणा ते, सव्वे थंभिया तओ भवणे । चित्त लिहियव्व जाया, अहवा पाहाणघडिय व्व ॥ १७ ॥ पभवेण तओ दिट्ठो, उबविट्ठो ताहिं तारतरुणीहिं । सा ( रय) - यरनिसायरो इव, गयणे ताराहिं परियरिओ ॥ १८ ॥ ते नियसुहडे अयमुब्भडे वि थंभेव्व थंभिए दटुं । बवइ चमक्कियचित्तो, सुपुरुस ! तं कवि सुमहत्पा ॥ १९ ॥ जं अवसोयणिविज्जावज्जस्स व ते न किंपि पहवेइ । दट्ठूण लुंटमाणे, न हु वहणट्टाए
जम्बुप्रभवचोरसंवादः ।
॥ १३७ ॥