________________
મોહનીયનો સમયે સમયે ક્ષય કરે છે અને ઉદય આવે તેનો ઉપશમ કરે છે. એવી રીતે અહીં મિશ્રભાવ હોવાથી તે મિશ્ર પણ કહેવાય છે, પરંતુ આ મિશ્રમોહનીયના ઉદયવાળું મિશ્ર સમજવું નહીં. આ સમકિતની સ્થિતિ ૬૬ સાગરોપમથી અધિક હોય છે, ત્યારપછી
તે જીવ ક્ષાયિક સમકિત પામે છે અથવા મિથ્યાત્વે જાય છે. (૩૦૦) ક્ષમાશ્રમણ નામની સાર્થકતા ને નિરર્થકતા जइ खमसि तो नमिज्जसि,
छज्जइ नामंति ते खमासमणो । अह न खमसि न नमिज्जसि,
नाम पि निरत्थयं तस्स ॥ ४८८ ॥ અર્થ : જો તું ક્ષમાગુણને ધારણ કરીશ અને ગુરૂજનને નમીશ તો તારું ક્ષમાશ્રમણ નામ છાજે છે – સાર્થક છે. અને જો ક્ષમા નહીં રાખે તથા ગુરૂજનને નહીં નમે તો ક્ષમાશ્રમણ એવું નામ પણ નિરર્થક છે - વ્યર્થ છે. (૪૮૮)
(૩૦૧) મૃત્યુનો નિગ્રહ કોઇથી થતો નથી तित्थयरा गणहारी, सुरवइणो चक्कि केसवा रामा । संहरिया हयविहिणा, इयरेसु नरेसु का गणणा ॥ ४८९ ॥
અર્થ : તીર્થકરો, ગણધરો, સુરેંદ્રો, ચક્રવર્તીઓ, વાસુદેવો અને બળરામો એ સર્વેને હત્યારા વિધાતાએ હરી લીધા છે, તો પછી બીજા મનુષ્યો (જીવો)ની શી ગણના ? (બીજા જીવો હરણ કરાય તેમાં શું આશ્ચર્ય?) (૪૮૯)
(૩૦૨) એકત્વ ભાવના एगो जायइ जीवो, एगो मरिऊण तह उपज्जेई । एगो भमइ संसारे, एगो चिय पावए सिद्धिं ॥ ४९० ॥
રત્નસંચય - ૨૧૦
