________________
૨૧૭
એ બે સ્વરો છે. આમ અહીં પાંચ અક્ષરો છે. એનો “પંચ તરીકે ઉલ્લેખ કર્યો છે. એ પંચને જોઈને શ્વેત વર્ણનાં કુસુમો રાજી થાય છે અને તેમાં એ મોગરો તો મોહી પડે છે. “મોગરો' એ અર્થમાં “કુંદ' શબ્દ છે. એથી “કુંદ શબ્દ મોગરાને ગમે એ સ્વાભાવિક છે.-૪.
આ “કુંદ' શબ્દની જોડી કુંદકુંદ' એવું નામ ઊભું કરે છે અને એ દિગંબરોના ચિત્તમાં આનંદની ઊર્મિ જગાડે છે. કેમકે આ નામ દિગંબરોને પ્રિય છે. આ નામના દિગંબર આચાર્ય દિગંબર જૈનોના કથન મુજબ છે, આઠ કે પછી ચોર્યાસી પાહુડો (પ્રાભૂતો) રચ્યાં છે. “પ્રાભૂતકર' એવા પ્રયોગથી હરિયાળીનો આંશિક ઉકેલ સૂચવાયો છે. - પ.
આ કુંદકુંદાચાર્યનું જ નામ છે એ બાબત એમણે – એ જૈન મુનિવરે જે પાઈય ભાષામાં “નિશ્રય” નયને મુખ્ય સ્થાન આપનારી અને “સાર” એવા અંતિમ અંશરૂપ નામવાળી પવયણસાર, પંચત્યિકાયસાર, નિયમસાર અને સમયસાર જેવી કૃતિઓ રચી છે. એ વાત અહીં સમર્થિત કરાઈ છે. - ૬.
અંતમાં આ હરિયાળી એના રસિક જનોને ચંદ્રિકા સમાન કહી છે અને એ દ્વારા શ્લેષથી મેં મારા પિતા-માતાનાં નામ રજૂ કર્યો છે. આ હરિયાળી મેં દિગંબર જૈનના તંત્રી અને મારા મિત્ર શ્રી મૂળચંદ કિ. કાપડીઆની વિજ્ઞપ્તિ અનુસાર રચી છે. એમની અટક અને મારી અટક એક જ છે. આ રચના વિ. સં. ૨૦૦૮ના અષાડ માસની પૂર્ણિમાએ કરાઈ છે. - ૭.
- દિગંબર જૈન (વ. ૪૫, એ. ૯)
(૩૮) બિહારી-હરિયાળી શંકર કેરી કીર્તિ પ્રસરતી અર્ધનારીશ્વર નામે રે; જાણી ધરતી ગર્વ માતૃકા ચાર બાળકથી રાચી રે. ૧
