________________
૨૦૬
લેખકનું-મારું નામ સૂચવાયું છે. બીજો અર્થ ‘હીરાના જેવા અક્ષરો વડે એમ છે. - ૭.
- દિગંબર જૈન (વ ૪પ, અં. ૫) (૩૨) ભક્તની હરિયાળી જગે વિરોધી બંધો જાગે એમાં એક બહુ ગાજે રે; એનો નાયક વિહરે હર્ષે ઊંધો દંડ તજીને રે. ૧ પેખી એને હરીફ વળગે ધારી પુચ્છક જાણે રે; બંધુ એનો ના ના વદતો સામો ધસતો આવે રે. ૨ ટીખળ કરતી ત્રિપુટી મહાલે કોઈને એ ના ગાંઠે રે; મૈત્રી એની સાધી સાચી નિષેધવંશી વીરે રે. ૩. નામ રચાયું વર્ણાષ્ટકથી રામાનંદી રાચે રે; જનકજમાઈ કેરા ભક્ત રંગ જમાવ્યો શીઘે રે. ૪. જૈન મતે એ ચરમશરીરી એની રચી હરિયાળી રે, રસિકતનુજે વિક્રમવર્ષે નંદ નભે નભ યુગે રે, ૫ વિજયાદશમી પર્વે રૂડે નર્મદનગરે પ્રીતે રે; ગાશે આજે વરશે તેને મુક્તિરમા નવ રંગે રે. ૬
અર્થ આપણી આ દુનિયામાં સુખ અને દુઃખ, સંયોગ અને વિયોગ, એમ અનેક વિરોધી વંદો યાને જોડકાં ઉદ્ભવ્યાં છે. એમાંનું એક જોડકું ખૂબ જ જોર અજમાવતું જણાય છે. એ જોડકાનો મુખી પોતાના હાથમાં રહેલા ઊંધા દંડાને તજીને હર્ષભેર વિહરે છે. - ૧.
એનો પ્રતિસ્પર્ધી એને જોઈને એને વળગે છે પરંતુ તેમ કરતી વેળા એ જાણે પૂછડું ધારણ કરે છે. એ પ્રતિસ્પર્ધીનો બંધુના, ના બોલતો સામો ધસી આવે છે - ૨
