________________
૧૪૭
સ્થિતિમાં મૌન રહેવું એજ સારું છે. હવે તો શ્રી ઋષભદેવ વગેરે ૨૪ તીર્થકર દેવોને જપીએ તો જ દુઃખમાંથી ઉગરી સુખ પામીએ.
(૩) પરમાર્થ શુભ વિચારણા રૂપ સાસુજી પોતાની સુમતિરૂપ કુળવાન વહુને સલાહ આપે છે કે તમે ઘરે વાસીદું કરીને, એટલે સામાયિક વ્રતના અતિચારોની આલોચના લઈને, પાપરૂપી વિરાધનાના કચરાને દૂર ટાળો.
આપના આત્મારૂપી ઘરમાં મોહરૂપી એક ચોર છૂપી રીતે જાસુસી કરી બાતમી મેળવી રહે છે. તેની દાનત એ છે કે લાગ મળે તો ધર્મરૂપી ધન ચોરી જાઉં, માટે તે સમજુ વહુ ! શુભ ભાવરૂપ ઓરડાને “ઉપયોગરૂપ તાળુ મારીને, સાવધાન થઈને રહેજો, વિરતિનું ફળ સુખદાયી છે જ્યારે અવિરતિના ફળ માઠાં છે, તે માટે તે વહુ ! તમે સમ્યક દર્શન, જ્ઞાન, ચારિત્રરૂપી રત્નત્રયીને શુભ મને આરાધો.
હે સુમતિ વહુ ! કોધ વગેરે ચાર કષાયરૂપી ચાર પ્રાહુણા-મહેમાનો આવ્યા છે તે ખટપટી છે. પતિ આત્મા અને પત્ની સુમતિ : ધણીધણીઆણીને અંદર અંદર લડાવી મારનાર છે, વિખવાદ ઉભો કરનાર છે, માટે તે ચોરોને તમારા આંગણે ઉભા રાખવા જેવા નથી. પણ આ બધું ક્યારે જો જિનેશ્વર ભગવંતની વાણી, વીર વાણી, દિવ્ય ધ્વનિરૂપ અમૃતનું પાન કરવામાં આવે તો અનંત સુખના ધામ શિવ-સુખને તમે પામી શકો.
દિવ્ય ધ્વનિ : વીર વાણી કેવી છે? સકળ જગત હિતકારિણી, હારિણી મોહ, તારિણી ભવાબ્ધિ, મોક્ષ ચારિણી પ્રમાણી છે. અહો ! રાજચન્દ્ર, બાલ ખ્યાલ નથી પામતા એ, જિનેશ્વર તણી વાણી, જાણી તેણે જાણી છે.”
- શ્રીમદ્ રાજચંદ્ર પરમાર્થ : હે સુમતિ વહુ ! યમરૂપી મોટો કોળ-ઉંદરડો સંસારી જીવાત્માના કાયારૂપ ખૂણાને દિન-રાત ખોદી રહેલ છે, તે હકીકત ધ્યાનમાં
