________________
૧૯
બંગભૂમિ બની વિહારભૂમિ
ટાટાનગરની ભક્તિથી ભીંજાઈને મુનિરાજોએ આસનબની, ગાલુડી, ઘાટશિલા અને ચાકુલિયા તરફ વિહાર કર્યો. વિહારમાં સાકચીના બે યુવકો - વિનુભાઈ વોરા અને મનુભાઈ દરજી ઉપર પૂજ્ય તપસ્વી મહારાજની વધારે કૃપા વરસી હતી. તેઓ પૂજ્ય તપસ્વી મહારાજની સાથોસાથ ડગલે ડગલું મેળવી ચાલતા હતા. શંકરભાઈ અને શામળજીભાઈની ટીમ પણ સાથે જોડાયેલી હતી. આમ વિહારનો અનેરો આનંદ અને ચાલવાની અનુપમ મઝા આવતી હતી.
ગાલુડી અને ઘાટશિલામાં મારવાડીના ઘણાં ઘર હતાં. તેઓએ ઘણું સારું સ્વાગત કરી ધર્મલાભ લીધો હતો. ગાલુડીમાં કલકત્તા સંઘના પ્રમુખ મણિભાઈ દેસાઈ, કાનજીભાઈ પાનાચંદ, ગિરધરભાઈ, ત્ર્યંબકભાઈ તથા અન્ય અગ્રસર શ્રાવકો આવ્યા હતા. શ્રી નરભેરામભાઈનો આદેશ હતો કે ખર્ચનો કોઈ વિચાર ન કરતાં આગંતુકોની સારામાં સારી સેવા થવી જોઈએ. ચુનીભાઈ તથા નાનુભાઈ મહેમાનોનું ખૂબ જ ધ્યાન રાખતા હતા. વિશેષ કૃપાપાત્ર ન્યાલચંદભાઈ ઘેલાણી :
બિસ્તુપુરના શ્રી ન્યાલચંદભાઈ ઘેલાણી ૫૨ પૂજ્ય તપસ્વી મહારાજની વિશેષ કૃપા હતી, અને તેમના કલકત્તા નિવાસી ૫૨મ મિત્ર નાથુભાઈ દોશી સપરિવાર પહેલેથી જ ગાલુડી પહોંચી ગયા હતા. નાથુભાઈ દોશીને બીડી-પત્તાનો મોટો વેપાર હતો. નાથુભાઈ તથા ન્યાલચંદભાઈએ સૌનું હાર્દિક સ્વાગત કર્યું. તેમણે પ્રીતિભોજનની વ્યવસ્થા કરી હતી. દાલભૂમગઢના
