________________
cas
भोजयवंसुप्पन्नो, महुरायां अत्थि पासयंगरुहो; पुत्तो य धारिणीए, अइमुत्तकुमार नामो त्ति. ।।१२।।
अच्छेरय मण्णंतो, नारयरिसी आगओ अ वेगेण; पासइ अइमुत्तरिसीं चउव्विह देवेहिं परिकिण्णो. ॥१३।। सिरि नारओ वि वंदइ, थुणमाणो उग्गसेण कुलवंसो; उज्जो अ तो सव्व, अइमुत्तिकुमार केवलिणो॥१४॥
पुच्छामि अज एयं, अइमुत्तकुमार केवली सच्चं; किं पुज्जो एस नगो, किं वा नामेण पुंडरीओ. ॥१५॥
साहामि तुम्म नारया, तित्थयर जेण जत्थ तित्थंमि; तित्थफलं तु असेसं, जस्स य नामेण पुंडरीओ. ॥१६॥
अवसप्पिणीए पढमं, तित्थयरो आसी रिसह देवुत्ति; तस्सय पुत्तो भरहो, तस्स सुओ पुंडरीओत्ति. ॥१७॥
उप्पण्णंमि अणंते, केवलनाणंमि उसभसामिस्स; पढमं समोसरणम्मि य, पडिबुद्धो पुंडरीओत्ति. ॥१८॥ ____ होइ तयणु एयं, उत्तमबुद्धीकरेहि तो धम्मं; पावेइ दुक्ख मज्झो, नत्थि ह सुक्खं तुहीण जणो. ।।१९।।
तिरियाण दुक्खमहियं, अहिययरं होई नरयवासीणं; होइ कुमाणुसस्स दुहिया, चवणभयं देवयाणंपि. ॥२०॥
पययं नाऊण फुडं, संसारा चउगईय नीसारा; चिंतिज्जंतो एसो, असारमेसो अ घरवासो. ॥२१॥ सव्वं अणिच्चमेयं, माया य पिया य पुत्तभज्जा य; भोमा य सयणवग्गा, मित्ता भिच्चा य सव्वेए. ॥२२॥
धम्मं सोऊण हिओ, पुंडरीओ अजयस्स पयमूले; सावज जोग विरओ, गुत्तो सो साहु धम्ममि. ॥२३॥
तुरियं वच्चइ चलिओ, मजगई वच्चइ लेसाए; विसमिऊणं वच्चइ, जेण ण मुक्को हवइ पंथो. ॥२४॥
सुयनाणीहिं भणिओ, सउ पुणं पुंडरीय अणगारो; ताह गुरुणो भणिओ; गच्छं निऊण विहराहि. ॥२५॥
