________________
cos
सारावली प्रकीर्णकं - सारावली पयन्नो.
आरंभेसु निवत्ता, सव्वठाणेसु मुक्कवावारा; उच्छिन्नरागदोसा, ति देवा देवयाणंपि. ॥१॥
ते अरिहंता सिद्धा, आयरिया नाणदायगा; साहू देवाण य जे पुजा, नमो त्थु देवाहिदेवाणं.॥२॥ पणिवाय सयजोगा, सगुणेहिं थोडं निम्मलजसा य; सव्वजगजीवबंधव, इट्ठविसिट्ठा य जेणेय. ॥३॥
देवेहिं पूईय गुणा, गुणाहिया तेण पूइया लोए; अहभत्ति गुणाणाऊ, लोओ उवहाण गुणगामी. ॥४॥ एए पंच वि गुरुणो, पहाणगुणभूसिया य सव्वेवि; निम्मल जसाइ निच्चं, सुरनरपुज्जाकयं चेव. ॥५॥
जो जो भूमिपएसो, पंचहिं पुरिसुत्तमेहिंऽइक्कंतो; सो सो भणिओ पुज्जो, देवाण व माणुसाणंपि. ॥६॥ उप्पण्णो पुंडरीयनगो, तित्थं कयत्थेहिं फासिओ बहुसो;
सुरनरपुजो तेणं, साहूहिं निसेविओ निच्चं. ॥७॥ गुणसंथुओ कओ मे, सारगुणेहिं तु पुंडरीयस्स; जहा उप्पन्नं तित्थं, तित्थफलं दोवि वन्नेमि. ॥८॥
अवरविदेहुप्पन्ने, तित्थयरे पासिऊणं अरिहंतो; नारयरिसिस्स जायं, धाईय खंडे जओचिअं. ॥९॥
उप्पईया वेगेणं दाहिण भरहस्स मज्झयारंसि; पासइ देवुज्जोयं, सिहरम्मि पुंडरीयस्स. ॥१०॥ देवो देवीहिं समं, चारणविजाहरा य सिद्धा य; पूर्व करंति पुच्छा, केवल नाणिस्स साहुस्स. ॥११॥
