________________
८०८
गुरुणाइलैं एयं, सोरट्ठ देसंमि पव्वओ तुंगो; तंमि नगे चडिऊण, होही नाणं अयं तुझं. ॥२६॥ गुरुवयणं चित्तूण, आढत्तो विहरिऊण भरहद्धे । संपत्तो सोरठें, अहियं सुयनाण चारित्ती॥२७।।
विहरंता य सुरळं, पासंति नगं तरूण सच्छन्नं; गुरुवयणं संभरिअं, एस गिरी अज सो दिट्ठो. ॥२८॥
गुरुणाइट्ठो एसो, सोयट्ठ देसंमि पव्वओ तुंगो; केवलनाणुप्पत्ती, सुहेण सिद्धिं च लब्भामो. ॥२९।।
नवबंभचेरगुत्ता, दसविह धम्ममि सुठ्ठ आउत्ता; सत्तरस संजम जुआ, छच्च तव सोसिय सरीरा. ॥३०॥
अट्ठारससहस्सा, सीलंगाण जिणेहिं पन्नत्ता; ते धारते धारंति, सुविहिया नाण चरण दंसण विसुद्धा. ॥३१॥
सामाईय माईय, अंगसुयं चउदसाईं पुव्वाइं; एयाई गुणमाणा, अच्छंति गिरिं पलोअंता. ॥३२॥ कत्थय रुप्पसिलायल, कत्थय वन्निज पुज संकासो; कत्थय रयणुज्जासो, कत्थइ दिप्पंत दिट्ठिसुहो. ॥३३॥ गोसीस-मलय चंदण, कप्पूरागर तुरुक्क मणितेउ; एएहिं गिरि रम्मो, कंकिल्ल केलिमाईहिं. ॥३४॥ पुन्नाग नाग-चंपय, केसर कणीयार पाडलदुमेहं; जूहेहिं पारजाय, केसूअ जासूयण संकासो. ॥३५॥
अईमुत्तय जाईहिय, मल्लीय कोरिंट जुहिआ पउरो; दमणो असोक कुंकुम, सुवण्ण आईय कुसुमेहिं. ॥३६।। दसविह कप्पदुमेहिं, नानाविह खजपिज रसिएहिं; भूसण वत्थ विलेवण, सयणेहिं विविहेहिं. ॥३७।। देवाण माणुसाण य, निच्चं चिय भूमि भाग रमणिजो; निवत्त गीयवई अई, सुरभोग सुरगणाणं. ॥३८॥
एयरिसो नगवरो, भूमिओ अट्ठ जोयणुत्तुंगो; दस जोयण विच्छिन्नो, सिहरे मूले च पन्नासं. ॥३९॥
