________________
कल्पान्तर्वाच्यः ] अष्टापदपर्वते गौतमः
_ [५५ हे अग्गिभूय ! गोयम! सागयमुत्ति जिणे चिंतेइ। नामं पि मे वियाणइ अहवा को मं न याणेइ ।। ६२२॥ जइ वा हियय-गयं मे संसय मण्णिज्ज अहव छिण्णिज्जा । तो हुज्ज विम्हओ मे इय चिंतंतो पुणो भणिओ॥६२३॥ किं मण्णि अत्थि कम्मं उयाहु न छित्ति संसओ तुझं। वेय-पयाण य अत्थं न याणसि तेसिमो अत्थो । ६२४ ॥ एवं वेय-पयाइ कमेण पडिबोहिया जिणवरेणं । इक्कारस वि गणहरा पव्वइया सपरिवारजुया॥६२५ ॥
इति गणधर-वादः॥ जं रयणिं च णं समणे भगवं महावीरे कालगए जाव सव्व-दुक्खप्पहीणे, तं रयणिं च णं जिट्ठस्स गोयमस्स इंदभूइस्स अणगारस्स अंतेवासिस्स नायए पिज्जबंधणे वुच्छिण्णे अणंते अणुत्तरे जाव केवलवर-नाण-दसणे समुप्पणे ।। १२७॥
सिरिगोयमो य भयवं चउनाणी सव्वलद्धिसंजुत्तो। समत्त-सुयनाणधरो बालुव्व जिण-समीव-गओ।। ६२६॥ जिणदेसणाइ बुद्धा पव्वइया दो वि साल-महसाला। निय-भायणिज्ज-कुमरं गागिलं ठाविउं रज्जे ।। ६२७॥ ते अण्णया कयाइ आपुच्छित्ता य जिणवरं पत्ता। सिरिगोयम-संजुत्ता विहरंता पिट्ठचंपाए ।। ६२८॥ पिढर-जसोमइ-गागिला पमुहा पत्ता य तेसि नमणत्थं । वंदित्ता उवविट्ठा गोयमो देसणा देई ।। ६२६॥ धम्म सुच्चा बुद्धो गागिलीदत्त-पुत्त-रज्जो य। माया-पिय-संजुत्तो निक्खंतो गोयम-समीवे ॥ ६३०॥ तो ते चलिया सिरिवीर-वंदणत्थं च मग्गि गच्छंता। ते धण्णं मण्णंता अप्पाणं केवली जाया ॥६३१॥ मुणि-जुत्तो सिरिगोयम सामी पयाहिणं जिणवरिंदस्स। दाउं अग्गे चिट्ठई केवलि-परिसाइ ते पत्ता॥ ६३२ ।।
