________________
५४ ।
गणधरवादः
[कल्पान्तर्वाच्यः सागय पुच्छणे सोऽहं मिट्ठ-वक्केहि नो पिए। तं कपित्थं न जं सिग्गं वाएण पडइ दुमा । ६०६॥ जइ वा हिययगयं मे संसयं भण्णिज्ज अहवा छिण्णिज्जा। तो हुजो विम्हओ मे इयं चिंतंतो पुणो भणिओ॥ ६१०॥ किं मण्णि अत्यि जीवो ऊयाहु नत्थित्ति संसओ तुझं । वेय-पयाण य अत्थं न याणसि तेसिमो अत्थो॥ ६११॥ । समुद्दो महमाणो किं ? गंगा-पूरोहवा किमु ? आइ-बम्ह-झुणी किं वा वीर-वेय-झुणी तहा ।। ६१२ ।। वेय पयाणिस एव अयं आया नाण-वम्ह-मओ हिय। . मणोमओ वक्कमओ सो य चक्खुमओ तहा॥ ६१३॥ तह आगासमओ वा वाउ-तेउमओ वि य। पुढवी आउमओ वा वि कहे वम्हमओ तहा ॥ ६१४ ॥ द-द-द च दमो दानं दया इत्ति य जाणइ।
जो द-गार-तियं सो य जीवो निच्छयओ मुण॥६१५॥ इइ जीव-सत्ता
छिण्णंमि संसयंमि जिणेण जर-मरण-विप्पमुक्केण । सो समणो पव्वइओ पंचहिं सह खंडियसएहिं ।। ६१६॥ इति प्रथम गणधरः । तं पव्वइयं सोउं चिंतइ तब्बंधवो परो एवं। अवि जाओ य दवइ गिरी पज्जलइ जलं पि कत्थ वि य॥६१७॥ अंगार-वरिसणं वा भवइ कया चंद-मंडलाओ य। न हु मे भाया वाए पराहवं लहइ कइया वि॥६१८॥ तं पव्वइयं सोउं बीओ आगच्छइ अमरिसेणं। गच्छामि तमाणेमि पराजिणत्ताण तं समणं ।। ६१६॥ छलिओ छलाइणा सो मण्णे मा इंदजालिओ वा वि। को जाइ कह-वत्तं इत्ताहे वट्टमाणी से।। ६२०॥ सो पखंतरमेगंपि जाइ जइ मे तओ मि तस्सेव । सीसत्तं हुन गओ वुत्तुं पत्तो जिण सगासं ।। ६२१॥
