________________
....[७
कल्पान्तर्वाच्यः ]
नागकेतुकथा सुलहा विहार-भूमी विथारभूमी य सुलह-सज्झाओ। सुलहा भिक्खा य जहिं जहण्णयं वासक्खित्तं तु॥७३॥ चउ-गुणोववेयं तु खित्तं होइ जहण्णयं । तेरस-गुणमुक्कोसं दुण्ह मज्झिमि मज्झिमगं॥७४ ॥ एवंविहंमि खित्ते ठाएयव्वं तु सब्ब-साहूहिं। संजम-पालण-हेउं वासावासं . जओ भणियं ॥७५॥ कामं तु सव्व-कालं पंचसु समिईसु होइ जइअव्वं ।
वासासु अहिगारो बहु-पाणा मेयणी जेणं ॥७६ ॥ अष्टमे नागकेतुः -
एयंमि य वर-पव्वे संपत्ते पवर-भाव-जुत्तेहिं।
अट्ठम तवं पगिळं कायव्वं नागकेउ व्व ॥७॥ तत्कथा....
चंदकंताभिहाणा नयरी तत्थथि विजयसेण निवो। सिरिकंतसिट्ठि-पवरो भज्जा से सिरिसही नामा॥७८॥ नागाईणुवजायणपुव्वं तेसिं तु पुत्तओ जाओ। पज्जोसवणापव्वं आसणं तत्थ से आसी॥७९॥ गिह-माणुसाण वत्तं सुच्चा सो बालओ सरइ जाई। अट्ठम तवं पगिण्हइ न रोवइ न पीयइ दुद्धं ।। ८०॥ सुकुमाल-भावओ पुण निचिट्ठो आसि तक्खणं चेव। सयणेहिं मओ नाउं भूमज्झे झत्ति संठविओ॥१॥ सिरिकतो सुय-मरणा मओ तया चलियमासणं नाउं । धरणिंदो पुव्वभवं नाउं तस्सेव चिंतेइ ॥५२॥ पुव्व-भवे वणिय-सुओ तस्स विमाया पओसमावण्णा। सम्मं नो पडितप्पइ सो कहइ नियय-मित्तस्स ।। ८३ ॥ सो बेइ कयं न तए तवाइ-पुण्णं अओवमाणमिणं। संपत्तं तुह तेणं करेहि किंची तवाइयं ॥८४ ॥ तो करइ चउत्थाइ माणवमाणं जहित्तु भावेण । पज्जोसवणा पव्वे काहिस्सं अट्ठमं च तवं ।। ८५॥
