________________
રામાયણમાં સંસ્કૃતિનો સંદેશ” ચલચિત્રો અને જાહેરખબરોમાં આર્યદેશની નારી!!
જે રૂ૫ અને સૌંદર્ય આટલા વિનાશી છે એની ખાતર આજની નારીઓ કેવાં કેવાં પાપ આચરી રહી છે! ચલચિત્રોમાં ય આર્યદેશની નારીઓનો પ્રવેશ થઈ ચૂકયો છે. આનાથી તો આર્યાવર્તની સંસ્કૃતિ અધ:પતનના આરે આવી ઊભી છે.
હવે તો શિષ્ટ ગણુતા સામાયિકોમાં પણ જાહેરખબરોમાં સ્ત્રીઓના ચિત્રો મૂકવાની જાણે સ્પર્ધા ચાલી છે. આજે આખો સમાજ જાણે બદલાઈ ગયો છે. નારીનાં બિભત્સ ચિત્રો દ્વારા અનેક માણસોની વાસનાઓ બહેકાવવામાં આવી રહી છે. આ અતિ ગંભીર બાબત છે.
નારીઓ જ બંડ પુકારે
નારીને પુરુષ સમોવડી બનાવવાની વાતો કરીને નારી જાતને આંતરિક રીતે ખલાસ કરવામાં આવી રહી છે. શા માટે નારીનાં ખરાબ ચિત્રો જાહેરખબરોમાં મૂકવામાં આવે છે? જે સદાચારિણી છે, શીલવતી છે, અને પ્રાચીન પરંપરાઓને સ્વીકારનારી છે એવી નારીઓએ જ આની સામે બંડ પોકારવું જોઈએ, અને બેધડક કહી દેવું જોઈએ કે, “દેહના આ પાપી પ્રદર્શનો બંધ કરો. એ રીતે પૈસા કમાઈ લેવાની પ્રવૃત્તિઓ સર્વથા અનુચિત છે.”
પણ...નારીઓ આ કરી શકશે?
પણ જ્યાં નારીઓ જ સત્વહીન બનવા લાગી છે ત્યાં આવું બંડ કોણ પુકારી શકે એમ છે? આજની અનેક નારીઓ તો “શ્રી સ્ટાર” અને “ફાઈવ સ્ટાર હોટલોમાં ઘૂમવા ઝંખી રહી છે, એ શી રીતે આવું પરાક્રમ ફોરવશે?
આવી હોટલો અને તેમાં ચાલતી કારવાહીઓ આર્ય મહાપ્રજાના શીલ અને સંસ્કારનો ખાતમો બોલાવી નાખવાનું કામ કરી નાખે છે એમ કહેવામાં આવે તો શું ખોટું છે?
પતિને જાગૃત કરતી આર્યનારી
એક વિદેશી નારી કરચલી જોઈને આપઘાત કરે છે; જ્યારે આ આદેશની સગુણોથી સંસ્કારિત નારી પોતાના પતિને સંન્યાસના માર્ગે જવાની પ્રેરણા આપે છે. વાત એવી બની હતી કે સોમચન્દ્ર નામના રાજા પોતાની પટ્ટરાણી સાથે ઝરૂખામાં બેઠા છે ત્યારે પતિનું માથું ઓળતા રાણી, રાજાના માથે ઉગેલો ધોળો વાળ જુએ છે.
