________________
‘રામાયણમાં સંસ્કૃતિનો સન્ડેશ”
૧૪૩
જાતભાઈને જલદી મારતા નથી. એક માત્ર આ માનવ જાત જ એવી છે કે જે પોતાના જાતભાઈઓને મારવામાં પણ જરા ય હિચકિચાટ અનુભવતી નથી.
આપસ આપસની યાદવાસ્થળી
માનવો, માનવોને તો મારે છે; એમાં ય ભારતીયો જ મોટે ભાગે ભારતીયોનું અહિત કરતા જોવા મળશે. પાકિસ્તાન કદાચ ભારતને એટલું નુકસાન નહિ કરી શકે જેટલું નુકસાન ભારતના જ લોકોથી ભારતને થશે.
ભારતીયો–ભારતીયોમાં ય વળી ગુજરાતી ગુજરાતીઓનું, પંજાબીઓ પંજાબીઓનું અહિત કરવા વધુ જલદી આગળ આવી જશે. જેનો જ જૈનોનું અને બ્રાહ્મણે જ બ્રાહ્મણનું અહિત કરી બેસે તે અશક્ય છે. યાદવસ્થળી એ જાણે કેટલાય કાળથી આર્ય પ્રજા ઉપર પડેલો અભિશાપનો કાળો ઓળો છે! એથી જ આ દેશને ભારે હાનિ થઈ રહી છે.
રાવણને બગલમાં લઈ લેતા વાલિ
રાવણ ચન્દ્રહાસ ખલ્સને લઈને જેવો વાલિ પાસે આવ્યો કે ભારે ચપળતા પૂર્વક વાલિએ તેને એક દડાની માફક બગલમાં દબાવી દીધો. ત્યાર બાદ વાલિ પૃથ્વી ઉપર એક મોટું ચક્કર મારી આવ્યા. કેવું અસાધારણ પુણ્યબળ ! ' પૂર્વે એક વાર કહ્યું હતું કે, આ જગતમાં આધિભૌતિક શક્તિ ખૂબ વધી દેખાય છે; પરન્તુ એનાથી ય ચઢિયાતી આધિદૈવિક શક્તિ હોય છે. એની પાસે પેલા ભૌતિક શક્તિના સ્વામી વૈજ્ઞાનિકો બિચારા રાંકડા જેવા છે. પરંતુ સબૂર ! આ આધિદૈવિક શક્તિઓથી પણ ક્યાંય ચઢી જાય એવી હોય છે; આધ્યાત્મિક શક્તિઓ.
ચારિત્ર્યશુદ્ધિના બળ પાસે વામણાં છે; દેવીબળો
જેના રૂંવાડે ય વિકાર નથી એવા મહાબહ્મચારી મુનિવરોના ચરણોના દાસ બની જાય છે; પેલા સ્વર્ગની ભૂમિના દેવો!
ભૌતિક પ્રાપ્તિ માટે એવા દેવોના જપ કરવાના પ્રયત્ન સાધુ કરે નહિ.
જે સાધુઓ પાસે ચારિત્રયની શુદ્ધિનું પ્રચંડ બળ છે; શુદ્ધિની જાળવણી ખાતર જેઓ રાત્રિના સમયમાં નિરંતર ધ્યાન વગેરે કરતા હોય છે એવા મુનિઓ જગતના સુખોના પોષણ ખાતર દેવોને સિદ્ધ કરવા માળા ફેરવતાં નથી. અને જે કદાચ દેવ આવી ચઢે તો એમને ગાંઠે ય નહિ એવી મસ્ત ખુમારીને સાધુઓ અનુભવતા હોય છે.
