________________
૨૫૪
જગતશાહ
માત્ર પરભુ ગેર રથમાં બેસીને આવ્યું હતું, સંદેશ લાવ્યો હતો : “અમરાશા શેઠ, તમારી દીકરી જશોદા, એનું વેવિશાળ સેલ શેઠના જગડૂશા સાથે કર્યું છે. જાન જોડવાની તમે અમુક શરત કરી હતી, એ શરત પૂરી કરીને જગડૂશા શેઠ જાન જોડીને આવે છે. માટે સામયું કરવાને સાબદા થાઓ !”
પછી પરભુ ગોરે બધી વાત માંડીને કરીઃ “જગડૂ અઢળક ધન કમાયે. જગડૂએ પીથલ સુમરાએ બંધ કરેલી હેરમઝની કરિયાવાટ ઉઘાડી. જગડૂએ ભદ્રેશ્વરમાં માંગઢ જેવી બીજી ઓથ તૈયાર કરી છે. સોમનાથના સલાટથી માંડીને દેવગિરિના પલ સુધી ત્યાં જઈને વસ્યા છે. જગડૂએ ભદ્રેશ્વરને કોટ બાંધ્યો છે. આખા કચ્છમાં કંથકોટ ને લાખિયાર ને લખપતના જૈનોને રાજ્યને ત્રાસ હતો, એમને ત્યાં વસાવ્યા છે. જગડૂએ વણઝારના બંધ મારગે ઉઘાડ્યા છે. જગડૂએ માથાભારે ઠાકરને નમાવ્યા છે. જગડૂએ રણનું નાકું બાંધ્યું છે અને ભદ્રેશ્વરમાં બાવન દેવકુલિકાવાળું વિમાન જેવું દેરાસર બાંધવા માંડ્યું છે. આ તમારી શરતો બધીય પૂરી કરીને જગડુએ જાન જોડી છે.
“જામ રાયલ ને જામ દેશલ જાનમાં આગળ ચાલે છે. લાખિયાર ને લખપત, પાટણને કર્ણાવતીના જન સંધપતિઓ એ જાનમાં છે. સિંહ ને બકરી એક આરે પાણી પીએ, એમ એમાં હારમઝ ને ખંભાતને શાહ સેદાગર સીદી સાદિક પણ છે ને ગાધવીને ચાવડા સંઘાર પણ છે. માટે અમરાશા શેઠ, સાબદા થાઓ અને જાનનું સામૈયું કરવાની તૈયારી કરે”
અમરાશાને તે રાજા દ્રુપદ જેવું થયું હતું. દ્રૌપદીના સ્વયંવર માટે મસ્યવેધની એણે પ્રતિજ્ઞા તે લીધી, પણ પછી એવી પ્રતિજ્ઞા કઈ પૂરી કરી શકશે કે નહિ એને એને પિતાને જ મોટો સંશય થયો હતે. અમરાશાએય પણ તે આકરું લીધેલું, પોતાનાં કુળ ને આબરૂને સરખો જોડીદાર શોધવા માટે એ પણ ખોટું પણ ન હતું, પરંતુ ત્યાર પછી, જેમ જેમ વર્ષો વીત્યાં તેમ તેમ, એની મૂંઝવણ વધતી ચાલી. નાળિયેર
