________________
આ વિલાપ કરવાનો સમય નથી. પોતાના પ્રભાવથી રક્ષાએલાં તે મહાસતી હજુપણ તે વનમાં ચોક્કસ જીવતાં હશે. માટે હે પ્રભો ! આપના વિરહથી શ્રીમતી સીતાદેવી મૃત્યુ પામે, તે પહેલા આપ જાતે જતે વનમાં જાવ અને તેમને શોધી લાવો !'
સભા : જાતે જ્વાનું કેમ કહ્યું ?
પૂજ્યશ્રી : જાતે જઈને શોધી લાવે, એટલે શ્રીમતી સીતાજીના પુન: સ્વીકારવાનો પ્રશ્ન જ ઉભો થાય નહિ. વળી શ્રીલક્ષ્મણજી એમ પણ માનતા હોય કે, ખુદ શ્રીરામચંદ્રજીના ગયા વિના હવે શ્રીમતી સીતાજી પાછાં આવે નહિ. પ્રસંગને સમજો તો લાગે કે, જાતે જવાનું કહેવામાં શ્રી લક્ષ્મણજીએ ડહાપણ વાપર્યું છે. પણ અવિનય કર્યો નથી. ખલજ્મોની વાણીથી શ્રીમતી સીતાજીને ભયંકર જંગલમાં ત્યજાવી દેવા જેટલી હદે પહોંચનાર શ્રી રામચંદ્રજી, શ્રીમતી સીતાજી આવ્યા બાદ કોઈ જુદા નિકેતનમાં રહેવા આદિની વાત કરે તો ? એને બદલે જાતે જ તેડવા જાય અને લઈ આવે, એટલે વચ્ચે કોઈને ભંભેરવાની તક મળે નહિ અને ‘શ્રીમતી સીતાજીનો આપ સ્વીકાર કરો' એવી વિનંતિ કરવાનો વખત પણ આવે નહિ.
શ્રી રામચંદ્રજીની સ્વયં શોધ અને નિરાશા
શ્રી લક્ષ્મણજીએ શ્રીરામચંદ્રજીને જાતે જઈને શ્રીમતી સીતાજીને શોધી લાવવાની વાત કરી અને તેની સાથે જ શ્રીરામચંદ્રજી તૈયાર થઈ ગયા. કૃતાન્તવદન સેનાપતિ અને ખેચરોની સાથે શ્રીરામચંદ્રજી આકાશમાર્ગે વાહન દ્વારા રવાના થયા અને અતિ દારૂણ એવા તે જંગલમાં પહોંચી ગયા. આપણે તો જાણીએ છીએ કે, સદ્ભાગ્યના યોગે શ્રીમતી સીતાજી વજંઘ રાજાની પુંડરીકપુરીમાં સકુશળ પહોંચી ગયા છે, પણ શ્રીરામચંદ્રજી આદિને એ વાતની ખબર નથી. આથી શ્રીરામચંદ્રજી, કૃતાન્તવદન અને ખેચરો પણ તે આખાય
..સાચા સેવકનો આદર્શ સંતાજીનો સંદેશ.....૪
૭૭
