________________
४८.
.૨૦મ નિર્વાણ ભ૦ ૭..
બળીને ખાખ થઈ જાય અને રાડો ધર્મવૃક્ષનાં ફળ મેળવવાની પાડવી છે. એનું પરિણામ શું આવે ? સાચું સાધર્મિક-વાત્સલ્ય ધર્મની પ્રીતિ વિના બને નહિ. જૈન સમાજમાં જો સાધર્મિક વાત્સલ્યને પુન: સજીવન બનાવવું હોય, અત્યારે જે થોડું ઘણું છે તેમાં વધારો કરવો હોય, તો ધર્મની પ્રીતિ પ્રગટે અને વધે એવા પ્રયત્નોમાં લાગી જવાની જરૂર છે. ધર્મની પ્રીતિ ઉપર દેવતા મૂકીને, ધર્મની પ્રીતિને પ્રગટાવનારાં સ્થાનોને પણ અધર્મના-પાપનાં સ્થાનો બનાવીને, સાધર્મિકોના દુઃખને દૂર કરવાનો વિચાર, એ તો ઝેર ખાઈને જીવવાની આશા કરવા જેવો વિચાર છે. શ્રી વીતરાગ દેવના ધર્મની પ્રીતિ વિના સાચું સાધર્મિક-વાત્સલ્ય સંભવે જ નહિ, એ ધ્યાનમાં લેવાની જરૂર છે. આજે સાધર્મિક વાત્સલ્યની ખામી દેવાય છે તે સામગ્રી ઓછી છે તે કારણે નહિ જ સામગ્રી ઓછી હોય તો સાધર્મિક ભક્તિની ક્રિયા ઓછી બને પણ હૈયામાં ભાવના કેવી હોય? એ ભાવનાને પ્રગટાવવાની અને ખીલવવાની જરૂર છે. ધર્મની પ્રીતિને પ્રગટાવવાની અને વૃદ્ધિ પમાડવા દશ વર્ષ સુધી પ્રયત્ન કરી જુઓ જોઈએ ! એ કરશો તો જૈન સંઘમાં કોઈ અનુપમ પરિવર્તન આવેલું તમે જોઈ શકશો. પણ એય તેનાથી જ બને કે જેનામાં સારી રીતે ધર્મપ્રીતિ પ્રગટી હોય.
વજજંઘની વિનંતી અહીં એ પણ સમજવા જેવું ને ધ્યાનમાં લેવા જેવું છે કે, રાજા વર્ષાઘ આ શ્રી રામચન્દ્રજી જેવા મહારાજાની પત્ની છે. એમ સમજીને જ કૃપા કરવા ઈચ્છે છે એમ નથી. રાજા વજંઘ તો બીજી કોઈપણ વાતને આગળ નહિ કરતાં, સમાનધર્મીપણાની વાતને જ આગળ કરે છે. શ્રીમતી સીતાજી તો જૈન છે જ અને આ રાજા પોતે પણ શ્રી જૈનશાસનનો ઉપાસક છે. એટલે શ્રીમતી સીતાજીને તે ધર્મની બેન કહે છે. ધર્મની બેન કહે છે એટલું જ નહિ, પણ એ બેનનો બેનની જેમ સત્કાર કરવાને પણ રાજા તત્પર બને છે. શ્રીમતી સીતાજીને ધર્મની બેન' કહી પછીથી, રાજા વજંઘ કહે છે કે,
