________________
૪)
નિર્વાણ ભગ ૭. ૨મ
વાત લગભગ ગઈ જ છે. હવે ઉપાશ્રયોમાંથી પણ ધર્મને કાઢવો છે? શ્રી જિનમંદિર અને ઉપાશ્રયની પવિત્રતાનો પણ નાશ કરવો છે ? રાજકીય પ્રવૃત્તિઓ ઉપાશ્રયમાં કરવાની ઈચ્છા, એ શું સૂચવે છે ? મુંબઈમાં જ્ઞાનો તોટો છે ? ના, પણ વાત એ જ છે કે, ઉપાશ્રયમાં ય ધર્મ નહિ રહેવો જોઈએ. એમને તો બધે જ અર્થ-કામની સાધનાને ઘુસાડવી છે. ધર્મના અર્થીઓએ સાવધ બનવું જોઈએ. એવા ધર્મશત્રુઓની મુરાદો બર ન આવે,એ માટે ઘટતું બધું જ કરવું જોઈએ.
ઉપાશ્રયનો દુરુપયોગ અટકાવવો જ જોઈએ શ્રીમતી સીતાજીને નહિ જાણવા છતાં, આ એક મહાસતી છે. સગર્ભા છે, એમ જાણતાં રાજાને જેમ લાગ્યું કે, ‘આને ત્યનાર નિર્ઘણોમાં પણ નિર્ઘણ છે. એ જ રીતે પવિત્ર સ્થાનોને અપવિત્ર બનાવવાનો ધર્મસ્થાનોને પાપસ્થાનો બનાવવાનો પ્રયત્ન કરનારાઓને માટે, ધર્મી આત્માઓને કેવું લાગે ? પુણ્ય ક્રિયાઓને માટે યોજાયેલાં સ્થાનોનો દુરુપયોગ કરવાનો પાપાત્માઓને શો અધિકાર છે ?" એમ થાય ને ? ધર્મીઓને અંતરાય કરવાનો, એમને આઘાત પહોંચાડવાનો જ પાપાત્માઓનો પ્રયત્ન છે. તમારા પૂર્વજોએ તમારા ભલાને માટે જિનમંદિર અને ઉપાશ્રય આદિ બનાવેલ છે. એનો દુરૂપયોગ થતો જોઈને ધર્મીથી ઉપેક્ષા ન થાય. ધર્મસ્થાનનો દુરૂપયોગ થતો રોકવાની તમારી ફરજ છે. તમે દુરૂપયોગ અટકાવવાનો ઘટિત પ્રયત્ન કરશો, એટલે એ તમને ધર્મ ઝનૂની વગેરે કહેશે, પણ એથી ગભરાવું નહિ. એ તો ગમે તેમ કહે, કારણકે, તમારે લીધે એની ધારણા પાર પડે નહિ, એ એને લાગે તો ખરું ને? એવાઓની દયા ચિત્તવવી. તમારે તો એક જ વાત રાખવી કે, જે કહેવું હોય તે કહો, પણ તમારાથી આ સ્થાનનો દુરૂપયોગ નહિ થઈ શકે. બંધાવનાર પુણ્યવાનોના પવિત્ર હેતુ ઉપર તમે પૂળો મૂકો, એ અમે નહિ સાંખી શકીએ. અહીં તો એ જ ક્રિયા થશે, કે જે ક્રિયા ભવનિસ્તારનું કારણ હોય. સારોય સંસાર ભવવૃદ્ધિના કારણોથી ભરપૂર છે. મદિર અને
