________________
|૩૮
*G 0c05b]P? ?
અત્યારે શ્રીમતી સીતાજી શ્રી રામચન્દ્રજીને યાદ કરતાં નથી, પણ નમસ્કાર મહામંત્રમાં પરાયણ બને છે. કારણ ? શ્રીમતી સીતાજી ? સમજે છે કે, આ સંસારમાં વાસ્તવિક રીતે શરણભૂત કોઈ હોય, તો તે શ્રી અરિહંત પરમાત્મા આદિ જ છે. મોટા સૈન્યને આવતું જોઈને શ્રીમતી સીતાજીને લાગે છે કે, ‘મારે માટે આ આફત રૂપ છે.’ પણ એ મહાસતી કોઈપણ ભોગે પોતાના શીલને દુષિત થવા દે તેમ નથી. અવસર આવ્યે મૃત્યુને ભેટે, પણ શીલને દુષિત થવા દે નહિ. એવો અવસર આવી લાગશે, એમ શ્રીમતી સીતાજીને સેના જોતાં લાગ્યું
હોય એ શક્ય છે. આથી તેઓ બીજા સઘળા જ વિચારોને ત્યજીને નમસ્કાર મહામંત્રના ધ્યાનમાં લીન બની જાય છે. શ્રી અરિહંત, શ્રી સિદ્ધ, શ્રી આચાર્ય, શ્રી ઉપાધ્યાય અને શ્રી સાધુ એ પાંચેય પરમેષ્ઠીઓને નમસ્કાર કરવામાં જ તત્પર બની જાય છે. કલ્યાણના અર્થી આત્માઓએ હરકોઈ અવસ્થામાં શ્રી અરિહંત, શ્રી સિદ્ધ, શ્રી આચાર્યાદિ સાધુપુંગવો અને શ્રી જ્ઞિભાષિત ધર્મ એ ચારનું જ શરણ સ્વીકારવા યોગ્ય છે. આ ચારનું શરણ પામનાર સદ્ગતિને અને અન્તે મોક્ષને પણ પામનારો બની શકે છે. જ્યાં કોઈનું શરણ કામ લાગતું નથી ત્યાં પણ આ ચારનું શરણ જ કામ લાગે છે. આ ચારને શરણે જ્વારની આપત્તિઓ ભાગવા માંડે છે અને સંપત્તિઓ એને વિટળાઈ વળે છે. આ ચારનું શરણ સ્વીકારનારા પુણ્યાત્માઓ, પોતાની આત્મલક્ષ્મીને અલ્પકાળમાં જ પરિપૂર્ણ રીતે પ્રગટાવી શકે છે. સૈનિકોને ડર લાગવો
અહીં બને છે એવું કે, જેને ડર લાગવો જોઈએ તેને ડર લાગતો નથી, પણ ઉલ્ટું જેનાથી ડર લાગવો જોઈએ તેને જ ડર લાગે છે, હજુ ડરે તો શ્રીમતી સીતાજી ડરે, પણ એ તો ડર્યા વિના જ શ્રી નમસ્કાર મહામંત્રના સ્મરણમાં લીન બનીને ઉભા છે, જ્યારે એમને સુસ્થિર
