________________
...........
રિમ દિવસ ભ
આરંભ સંમુખ બન્યા હતા, તે બદલ પોતાના આત્માને નિદવા લાગ્યા. ખરાબ કર્મનો આરંભ કરવાને માટે તત્પર બનેલા પોતાના આત્માને નિદતા થકા તે શ્રીધર આદિ શ્રી લક્ષ્મણજીના અઢીસો પુત્રો સંવેગને પામ્યા. એટલું જ નહિ, પણ સંવેગને પામેલા તે સર્વેએ શ્રીરામચંદ્રજી તથા શ્રી લક્ષ્મણજીની અનુજ્ઞા મેળવીને તરત જ શ્રી મહાબલ નામના મુનિવરની પાસે દીક્ષા ગ્રહણ કરી.
શ્રીધર આદિએ આ રીતે દીક્ષા લીધા બાદ, મદાકિની અને ચંદ્રમુખીને પરણીને લવણ-અંકુશ પોતાના પિતા તથા કાકા સાથે અયોધ્યાપુરીમાં પાછા ફર્યા.
ભામંડલની સુંદર ભાવના અને તેનું મૃત્યુ આ પછી ભામંડલના મૃત્યુ પ્રસંગને વર્ણવતા, પરમઉપકારી, કલિકાળસર્વજ્ઞ, આચાર્યભગવાન્ શ્રીમદ્ હેમચન્દ્રસૂરીશ્વરજી મહારાજા ફરમાવે છે કે
એક વખતે રાજા ભામંડલ પોતાના નગરમાં પોતાના આવાસની ઉપરના ભાગમાં બેઠાં બેઠાં વિચાર કરવા લાગ્યા કે, વૈતાઢયની બન્ને શ્રેણીઓને તાબે કરી, અને સવત્ર અખ્ખલિતપણે લીલાપૂર્વક વિહાર કર્યો, હવે તો અન્તકાળ આવ્યો છે એટલે હું દીક્ષાને ગ્રહણ કર્યું અને દીક્ષા ગ્રહણ કરવા દ્વારા હું મારી વાંછાને પૂર્ણ કરનારો બનું એટલે કે, “અત્યાર સુધી સંસારમાં મેદાને પડીને મેં દુન્યવી વિજયો તો પ્રાપ્ત કર્યા, પણ હવે તો હું કર્મની સામે મેદાને પડું અને તો જ મારી વાંછા પૂર્ણ બને દુન્યવી વિજયો માત્રથી હું પૂર્ણવાંછાવાળો બની શકું નહિ?”
જે વખતે રાજા ભામંડલ આ પ્રકારની ભાવનામાં લીન બન્યા હતા, તે જ વખતે તેમના માથા ઉપર વીજળી પડી અને એથી મૃત્યુ પામીને યુગલિકરૂપે દેવકુરૂમાં ઉત્પન્ન થયા.
