________________
*જે શ્રીમતી સીતાના સતીવ્રતનો ભંગ કરવાને રાવણ જેવો પણ સમર્થ બની શક્યો નહિ, તે શ્રીમતી સીતા સંયમમાં પણ પોતાની પ્રતિજ્ઞાનો તેવી જ રીતે નિર્વાહ કરનારી જ બનશે.'
આ પ્રમાણેનો વિચાર કરીને, શ્રીરામચંદ્રજીએ સાધ્વી શ્રીમતી સીતાદેવીને વન્દન કર્યું. આ સાથે શ્રી લક્ષ્મણજીએ અને શ્રદ્ધાથી પવિત્ર અન્ત:કરણવાળા બનેલા અન્ય રાજાઓએ પણ સાધ્વી શ્રીમતી સીતાદેવીને વંદન કર્યું.
કૃતાન્તવદન દેવલોકમાં અને શ્રીમતી સીતાજી
અચ્યુતેન્દ્ર તરીકે
આ પછી, શ્રીરામચંદ્રજી પરિવાર સાથે અયોધ્યામાં પાછા ફર્યા અને શ્રીમતી સીતાજી તથા કૃતાન્તવદન ઉગ્ર તપને તપવામાં લીન બન્યાં. કૃતાન્તવદન આયુષ્યના અન્ત પર્યન્ત તપને તપીને બહાદેવલોકમાં પહોંચ્યા. શ્રીમતી સીતાજીએ પણ સાઈઠ વર્ષો સુધી વિવિધ તપોતે આચર્યા અને અંતે તેત્રીશ અહોરાત્રિ જેટલા કાળનું અનશન કર્યું. ત્યાથી મૃત્યુ પામીને શ્રીમતી સીતાજીનો જીવ બાવીસ સાગરોપમના આયુષ્યવાળા અચ્યુતેન્દ્ર તરીકે ઉત્પન્ન થયો.
શ્રીલક્ષ્મણજીના પુત્રોનો સંયમ સ્વીકાર
શ્રીલક્ષ્મણજીના શ્રીધર વગેરે અઢીસો પુત્રોએ કેવા નિમિત્તે વૈરાગ્ય પામીને દીક્ષા લીધી, તેનું વર્ણન કરતાં પરમઉપકારી, કલિકાલસર્વજ્ઞ, આચાર્ય ભગવાન શ્રીમદ્ હેમચંદ્રસૂરીશ્વરજી મહારાજા ફરમાવે છે કે,
વૈતાઢયગિરિ ઉપર આવેલા કાંચનપુર નામના નગરમાં, તે વખતે, ક્લરથ નામનો વિદ્યાધરપતિ હતો. તે વિદ્યાધરપતિ ક્નરથને મન્દાકિની અને ચંદ્રમુખી નામની બે કન્યાઓ હતી. એ બે કન્યાઓને સ્વયંવર દ્વારા પરણાવવાને માટે વિદ્યાધરપતિ કનકરથે, શ્રીરામચંદ્રજી અને શ્રીલક્ષ્મણજી આદિ રાજાઓને તેમના પુત્રો સાથે કાંચનપુરમાં
સાધ્વી સીતાજીનું દર્શન, વન્દન અને ચિન્તા,..૧૦
૨૯
