________________
ર૧૮૦
રિમ નિર્વાણ ભcગ ૭.
ગુણવતી નિમિત્તે વસુદત્તે શ્રીકાન્તને અને શ્રીકાન્ત વસુદતને ણ્યો; તે પછી એ બન્ને મૃગ થયા અને ગુણવતી મૃગલી બની, તો ત્યાં પણ એ મૃગલી માટે એ બન્ને લડયા અને મર્યા અને તે પછી પણ કેટલાય ભવો સુધી એ ગુણવતીના જીવના નિમિત્તે, વસુદત અને શ્રીકાન્તના જીવ વચ્ચે યુદ્ધ થયું છે અને તે બન્ને મર્યા છે. આ પછી તે ગુણવતીના જીવ વેગવતી તરીકે ઉત્પન્ન થયો, વેગવતીનો પિતા શ્રીભૂતિ તે વસુદતનો જીવ છે અને શંભુરાજાએ વેગવતીને કારણે શ્રીભૂતિનો જીવ લીધો એ જોતાં એમ લાગે છે. શ્રીકાન્તનો જીવ જ શંભુરાજા તરીકે અને તે પછી કેટલાક કાળે શ્રી રાવણ તરીકે ઉત્પન્ન થયો હોય.
બીજી વાત એ પણ છે કે, વસુદાનો જીવ શ્રીલક્ષ્મણજી તરીકે ઉત્પન્ન થયાની વાત આગળ આવવાની છે અને શ્રીલક્ષ્મણજીએ જ શ્રી રાવણનો વધ કર્યો, એ આપણે જોઈ ગયા છીએ. અર્થાત્ તે વખતે પણ એ ગુણવતીના જીવ નિમિત્તે જ યુદ્ધ થયું છે, કારણકે, ગુણવતીનો જીવ જ શ્રીમતી સીતાજી તરીકે ઉત્પન્ન થયાની વાત આવી ગઈ છે. આથી પણ એમ માનવાને કારણ મળે છે કે, શ્રીકાન્તનો જીવ શંભુરાજા તરીકે ઉત્પન્ન થયો હશે. આમ છતાં આ વિષયમાં આપણે કોઈપણ વાત નિર્ણયાત્મક રૂપે કહી શકીએ તેમ નથી. કારણકે આપણને તેવા પ્રકારનું જ્ઞાન હજુ ઉત્પન્ન થયું નથી. હવે આપણે પાછા આપણા ચાલુ પ્રસંગ ઉપર આવી જઈએ
બિભીષણ કોણ? હવે કેવળજ્ઞાની પરમર્ષિ શ્રી જયભૂષણ મહાત્મા ફરમાવે છે કે, ધવદત્ત અને વસુદત્ત નામના બે વણિક ભાઈઓનો યાજ્ઞવક્ય નામનો જે બાહ્મણમિત્ર હતો, તે સંસારમાં પરિભ્રમણ કરીને આ શ્રી બિભીષણ તરીકે ઉત્પન્ન થયો છે.
