________________
RR RR
ON 2 UN
રિધમ દિવસ ભાગ ૭.
RR RRRRY
'एसो पंचनमुक्कारो, सव्व पावप्पणासणो ।'
શ્રી અરિહંતાદિક પાંચને કરેલો નમસ્કાર કેવો છે ? સર્વ પાપોનો નાશ કરનારો છે. અને એ નમસ્કાર સર્વ પાપોનો નાશ કરનારો છે, માટે જ સર્વ મંગલોમાં પ્રથમ મંગલ તરીકેની એની ગણના છે. આવો મંત્ર ફળે કોને ? પાપરસિકને જેવો ફળવો જોઈએ તેવો ન ફળે. આવા મંત્ર તરફ જેવો સદ્ભાવ જાગવો જોઈએ તેવો સદ્ભાવ તેના જ અંતરમાં જાગે, કે જેના અંતરમાં પાપનો ડર હોય, પાપનો કંપ હોય. પાપભીરૂ આત્માને ખ્યાલ આવી જાય તો આ મંત્ર એને સંસારસાગરથી વિસ્તાર પમાડ્યા વિના ન રહે. એજ રીતે પાપરસિક બનીને જે કોઈ આની આશાતના કરે તેનો ભયંકર રીતે દુર્ગતિઓમાં ભટકતાં ભટક્તાં ક્યારે પાર આવે તે કહી શકાય નહિ. પાપનાશક વસ્તુની પાપબુદ્ધિએ આરાધના કરવી, એ પણ એક પ્રકારની એની આશાતના છે. આજે કેટલાક કહે છે કે, નવકાર ઘણા ગણ્યા, પણ ફળ કાંઈ જ ન મળે !' એવાઓને કહેવું પડે કે, ભાઈ એ તો વિચાર કે, તેં ગણીને આરાધના કરી કે આશાતના ? કઈ બુદ્ધિએ ગણતો હતો?" ખરેખર, જે આત્માઓ પાપબુદ્ધિનો ત્યાગ કરવાની ભાવનાવાળા છે. પાપથી ડરનારા છે, પાપથી બચવાની ભાવનાવાળા છે, તેમને જ શ્રી નવકાર મહામંત્ર, જેવી રીતે ફળવો જોઈએ તેવી રીતે ફળે છે.
પધરુચિનો મિલાપ વૃષભધ્વજ તો ચૈત્ય બનાવરાવીને, ચિત્ર ચિતરાવીને અને ચોકીદારોને રોકીને પોતાના સ્થાને ચાલ્યો ગયો. એ પછી કોઈ એક વેળાએ શ્રેષ્ઠીપુંગવ પધરુચિ ત્યા ચૈત્યના દર્શન-વંદન માટે આવી પહોંચે છે. શ્રી અરિહંત પરમાત્માના બિમ્બને નમસ્કાર કર્યા બાદ, પરમ શ્રાવક એવા તે પરુચિએ પેલા ચિત્રને જોયું. ચિત્રને જોતાંની સાથે જ તે વિસ્મય સાથે બોલી ઉઠે છે કે, આ સર્વ મને જ લાગુ પડે છે !'
