________________
શોધવો ક્યાં ? ‘ભાગ્ય હશે તો મળશે' - એમ વિચારીને તે બેસી રહેતો નથી. ગમે તે ભોગે શ્રી નવકાર મહામંત્ર સંભળાવનાર ઉપકારીને શોધી કાઢવાનો એણે નિર્ણય કર્યો. એ માટે એ વૃષભજે એ જ જગ્યાએ એક ચૈત્ય બનાવ્યું.
મંદિર કરાવીને એક ભીંત ઉપર તેણે મરવા પડેલા ઘરડા બળદને ચિતરાવ્યો, તેના કાનમાં શ્રી નવકાર મહામંત્રને સંભળાવનાર તે પુરૂષને તેવા જ આકારમાં ચિતરાવ્યો અને પાસે ઉભેલા પલાણવાળા ઘોડાને પણ તેવી જ રીતે ચિતરાવ્યો. ચિત્ર એવું આબેહૂબ બનાવ્યું કે, એ ચિત્ર સાથે સંબંધ ધરાવનારને એ વિચારમુગ્ધ બનાવ્યા વિના ન
રહે.
આ પછી ત્યાં ચોકીદારોને મૂક્યા. ચોકીદારોને હી રાખ્યું કે, આ ચિત્રને જોનારાઓ તરફ તમારે પૂરતી નજર રાખવી અને જે કોઈ આદમી આ ચિત્રના પરમાર્થને પામી જઈને જોતો જણાય, તે આદમીના સંબંધમાં તમારે તરત જ મને ખબર આપવી.
ઉપકારીઓને શોધી કાઢવા માટે કેટલા અને કેવો પ્રયત્ન ? વિચારવા જેવી વાત છે ને ? ઉપકાર કેટલા ? શ્રી નવકાર મંત્ર સંભળાવ્યો એટલો જ ને ? એક નવકારદાતાને શોધવાનો આટલો પ્રયત્ન હોય ? જરૂર હોય, આથી અધિક પ્રયત્ન પણ શક્ય હોય તો હોય, પણ તે ક્યારે ? શ્રી નવકાર મંત્ર તરફ સદ્ભાવ પેદા થાય ત્યારે, વિચાર કરો કે, ‘આપણને નવકારદાતા તરફ સદ્ભાવ છે !’ જ્યાં સુધી વસ્તુ પ્રત્યે સદ્ભાવ ન જાગે, ત્યાં સુધી તે વસ્તુ દેનાર તરફ સદ્ભાવ ન પ્રગટે એમાં આશ્ચર્ય પામવા જેવું કાંઈ જ નથી.
શ્રી નવકાર મહામંત્ર ફ્ળ કોને ?
શ્રી નવકાર મહામંત્ર, એ શું છે ? શ્રી અરિહંતાદિક પાંચ પરમેષ્ઠીઓને નમસ્કાર અને તેના ફળનું વર્ણન પાંચને નમસ્કાર પછી શું આવે છે ?
..ધર્મદેશનાં અને પૂર્વભવોની વાતો..૮
૧૮૭
