________________
સભા : એ વાત સાચી છે, પણ અધર્મને ધર્મ માન્યો એ વાત જતી કરીએ તો કજીયા ધર્મના નામે થયા, એમ તો ગણાય ને ?
પૂજયશ્રી : અધર્મને ધર્મ માન્યો એ વાતને જતી કેમ કરાય ? વળી જ્યારે અધર્મને ધર્મ માનીને ધર્મના નામે કજીયા કરાય છે એ વાત માન્ય છે, તો તો એવી જ પ્રવૃત્તિ કરવી જોઈએ કે જેથી દુનિયાના જીવોને ધર્મ કે અધર્મનો સાચો ખ્યાલ આવે. એવી પ્રવૃત્તિનો વિરોધ કરવો અને સાથે સાથે એમ બોલવું કે - જગતમાં ધર્મના નામે જેટલાં યુદ્ધો ખેલાયાં છે, તેટલાં બીજી કોઈપણ વસ્તુના નિમિત્તે ખેલાયાં નથી' એ શું સૂચવે છે ? અધર્મને ધર્મ માનીને ધર્મના નામે અમુક માણસો કજીયા કરે છે, એથી ધર્મ વગોવાય છે, સાચા ધર્મ પ્રત્યે લોકરુચિ જન્મવામાં બાધા ઉપજે છે. અને એ કારણે અનેક આત્માઓ ધર્મથી વંચિત રહી જ્વાથી કલ્યાણ સાધનાથી વંચિત રહી જાય છે એ ઠીક નહિ, આવું જેને લાગ્યું હોય, તેની પ્રવૃત્તિ કેવી હોય? એવી વાતો કરનારાઓ આજે અહિંસાના નામે પણ હિંસાનું સમર્થન અને સત્યના નામે પણ અસત્યનું સમર્થન કરી રહ્યા છે, એ શું કહેવાય છે? આવી બધી બાબતોમાં ઉંડા ઉતરીને વિચાર કરો અને ધર્મષ કે ઘોર અજ્ઞાનના પ્રતાપે જે જે વાતોનો પ્રચાર થઈ રહ્યો હોય, તે વાતોને યોગ્ય આત્માઓ તેના યથાર્થ રૂપમાં પિછાની શકે એવો પ્રયત્ન કરો ! એને કોઈ કજીયો કહે તો પણ એટલા માત્રથી મૂંઝાવાનું હોય નહિ !
વસુદત્ત અને શ્રીકાંત વિંધ્યાટવીમાં મૃગ થયા હવે આપણે જોઈએ કે, આગળ શું બને છે ? આપણે જોઈ ગયા કે, કષાયાધીન બનેલા વસુદતે શ્રીકાન્ત શ્રેષ્ઠીને માર્યો અને શ્રીકાન્ત પણ વસુદાને માર્યો. એ બને ત્યાંથી મરીને વિંધ્યાટવીમાં મૃગ તરીકે ઉત્પન્ન થયા. બીજી તરફ સાગરદત્તની પુત્રી ગુણવતી, કે જેના કારણે વસુદતે શ્રીકાન્તનો જીવ લીધો અને શ્રીકાન્ત વસુદતનો જીવ લીધો, એ ગુણવતી પણ પરણ્યા વિના જ મૃત્યુ પામી અને ભવિતવ્યતાના યોગે તે જ વિંધ્યાટવીમાં મુગલી તરીકે ઉત્પન્ન થઈ.
ધર્મદેશનાં અને પૂર્વભવોની વાતો ..૮
૧૭પ
