________________
૧પ
.૨૦મ જિવણ ભ૮૮ ૭......
એમણે ખોટું શું કર્યું છે? ન્યાયનિષ્ઠા અને દોષભીત બનેલા તમને જેમ શ્રીમતી સીતાજીનો ત્યાગ કરવાનો અધિકાર હતો, તો ભવથી ભીત અને સ્વાર્થનિષ્ઠ બનેલાં શ્રીમતી સીતાજીને સર્વનો ત્યાગ કરવાનો અધિકાર શા માટે ન હોય ? વળી તમે તો શ્રીમતી સીતાજીને કોઈપણ પ્રકારની ખબર આપ્યા વિના જ શ્રીમતી સીતાજીનો ત્યાગ કર્યો હતો, જ્યારે શ્રીમતી સીતાજીએ અહીં આપની રૂબરૂમાં જ પોતાના હાથે પોતાના કેશોનો લોચ કર્યો હતો ! આવું સૂચવીને શ્રીલક્ષ્મણજી કહે છે કે,
શ્રી જયભૂષણ મહાત્માની સમીપે શ્રીમતી સીતાજીએ વિધિપૂર્વક દીક્ષા ગ્રહણ કરી છે. વળી તે શ્રી જયભૂષણ નામના મહર્ષિને હમણાં જ કેવળજ્ઞાન ઉત્પન્ન થયું છે, અને તે જ્ઞાનનો મહિમા આપે પણ અવશ્ય કરવો જોઈએ. તે સ્વામિન્ ! મહાવ્રતોને ગ્રહણ કરી ચૂકેલા સ્વામિની શ્રીમતી સીતા ત્યાંજ છે અને પાપરહિત એવાં તે સતીમાર્ગની જેમ મુક્તિમાર્ગની આરાધના કરીને તે માર્ગને ભવ્યજીવો સમક્ષ દર્શાવી રહ્યા છે.”
વડિલબંધુની સેવા મળે ! આપણે અત્યાર સુધીના અનેક પ્રસંગોમાં જોઈ ચૂક્યા છીએ કે, શ્રીલક્ષ્મણજીનું શ્રીરામચંદ્રજીની સાથેનું વર્તન હંમેશને માટે એક આદર્શ લઘુબધુને છાતું જ રહ્યું છે. ક્યાંયે તેમણે એવો વર્તાવ કર્યો નથી, કે જે વર્તાવ લઘુબધુ તરીકે હીણો ગણાય. શ્રીરામચંદ્રજીની અને શ્રીમતી સીતાજીની એમણે જે સેવા બજાવી છે અને જે તાબેદારી ઉઠાવી છે, તેનો વિચાર કરો તો તમને લાગે કે, આવા લઘુબધુ જવલ્લે જ મળે, અને જેને આવા લઘુબધુ મળે તે ઘણો પુણ્યવાન્ ગણાય. એટલી સેવા કરનાર અને એટલી તાબેદારી ઉઠાવનાર શ્રીલક્ષ્મણજી અવસરે અવસરે કહેવાજોનું કહેવામાં પણ સદાને માટે તત્પર જ બન્યા રહા છે, વિનયપૂર્વક અવસરે કડક શબ્દો પણ તેમણે સંભળાવ્યા જ છે.
