________________
પરમ નિર્વાણ ભાગ .
સમુદ્રના જળની જેમ તે પાણી આવર્તો લેવા લાગ્યું. ઉછાળા મારવા સાથે વેગબંધ પ્રસાર પામતા તે પાણીમાં મોટા મોટા મંચો પણ તણાવા લાગ્યા. લોકો શ્રીમતી સીતાજીના સતીપણાની પ્રતીતિથી આનંદ પામ્યા, પણ પોતાના જીવન નાશનો સમય જોઈ મૂંઝાયા. જ્યાં રાજામહારાજાના મંચો પણ તરવા માંડે, ત્યાં હવે થશે શું ?' એવી ભીતિ તો લાગે જ ને ? અગ્નિને વધતો અટકાવવામાં પાણી કમ લાગે, પણ પાણીના વેગને અગ્નિ રોકી શકે જ નહિ. પરિમિત વેગ હોય તો તો માટી વગેરે કામ લાગે, પણ પાતાળ ફુટવા જેવું હોય ત્યાં થાય શું ? આથી સૌ કોઈ એકદમ ભયભ્રાન્ત બની ગયું. ભયભ્રાત બનેલા વિઘાઘરો તો આકાશમાં ઉડી ગયા, પણ જમીન પર ચાલનારા માનવો મૂંઝાયા, કારણકે, તેઓ ક્યાં જાય ?
મહાન આત્માઓ પાસે દિવ્ય કરાવવામાં ય મોટું જોખમ છે. અત્યારે શ્રીમતી સીતાજી સહેજ પણ આવેશમાં આવી જાય તો શું થાય ?
સભા : સત્યાનાશ વાળી દે.
પૂજયશ્રી : શ્રીમતી સીતાજીને જો એમ થઈ જાય કે, આ લોકોએ મારી ઘણી મોટી નિન્દા કરી છે, જરા સ્વાદ ચાખવા દો !' તો કારમો અનર્થ જ થઈ જાય ને ? પણ નહિ, શ્રીમતી સીતાજી એમ કરે જ નહિ. શ્રીમતી સીતાજી તો પરમ વિવેકવાળા છે. એમનાં હૈયામાં આવા વખતે ક્રોધને નહિ પણ દયાને જ સ્થાન હોય. ભયભ્રાન્ત વિદ્યાધરો આકાશમાં ઉડી ગયા અને ભૂચરો પોકાર કરવા લાગ્યા કે, હે મહાસતિ શ્રીમતી સીતા ! અમને બચાવો ! અમને બચાવો !' માનવોના આવા પોકારથી પ્રેરાઈને શ્રીમતી સીતાજીએ પોતાના હાથોથી તે ઉછળતા પાણીને પાછું વાળ્યું અને તેમના પ્રભાવથી તે પાણી માત્ર વાવ પ્રમાણ થઈ ગયું.
અહીં તે વાવનું વર્ણન કરતાં કલિકાલસર્વજ્ઞ, આચાર્ય ભગવાન્ શ્રીમદ્ હેમચંદ્રસૂરીશ્વરજી મહારાજા ફરમાવે છે કે,
