________________
આમ છતાં, જ્યારે ધર્માચાર્યના મહાન પદે આરૂઢ થયેલાઓ પણ લોકહેરીમાં પડે, ત્યારે ધર્મશીલ જગત વિમાસણમાં પડી જાય તે સ્વાભાવિક જ છે. ધર્માચાર્યો આદિ પોતાના કર્તવ્યને ચૂકે અને શાસનપ્રભાવનાને બદલે જાત પ્રભાવનાના અર્થી બને ત્યારે ધર્મશીલ જગત અનેક આફતોથી ઘેરાય, એમાં આશ્ચર્ય પામવા જેવું કાંઈ છે જ નહિ. ધર્માચાર્યો તો ધર્મશીલ જગતની આપત્તિઓનું નિવારણ કરનારા હોવા જોઈએ ધર્મચાર્યોએ તો સધર્મના પાલન અને પ્રચારક બન્યા રહેવું જોઈએ. એને બદલે ધર્માચાર્ય તરીકે ફરનારાઓ લોકહેરીમાં પડીને ધર્મશીલ ગતની આપત્તિઓમાં વધારો કરે અને સદ્ધર્મથી ભ્રષ્ટ બનીને બીજાઓને પણ સધર્મથી ભ્રષ્ટ બનાવવા મથે, તો એ ધર્માચાર્યો પાપાચાર્યોની જગરજ સારનારા બને કે બીજું કાંઈ થાય ?
સભા: એવું જ બને.
પૂજ્યશ્રી : એવા સમયે ધર્મના અર્થી આત્માઓએ વિશેષત: વિચક્ષણ બની જવું જોઈએ.
જમાનાને ઓળખો ! ધર્મને અનુસરો ! આજે બધા જ ધર્માચાર્યો લોકહેરીમાં પડ્યા છે એમ નથી, પણ એવા કોઈ ધર્માચાર્ય નથી એમ પણ નથી. આજે જમાનાને ઓળખો' જમાનાને ઓળખો' એવી બૂમરાણ થાય છે ને ? શું એ બૂમરાણ ખરી છે? આપણે જમાનાને ઓળખતા જ નથી ? આપણે જમાનાને તો ઓળખીએ જ છીએ, પણ સાથે સાથે ધર્મનેય ઓળખીએ છીએ. આક્તા જમાનાને ઓળખી, આવા જમાનામાં પણ સધર્મની આરાધના અને પ્રચાર ક્વી રીતે થાય ? એનો વિચાર તો આપણે જરૂર કરીએ છીએ. આમ છતાં ‘જમાનાને ઓળખો’ ‘જમાનાને ઓળખો' એવું કેમ કહેવામાં આવે છે, તે જાણો છો ? વસ્તુત: તેઓ કહેવા એમ માને છે કે, જમાનાને અનુસરો, પણ જમાનાને અનુસરો એમ બોલી શકાતું નથી અને એટલા માટે જ તેઓ જમાનાને ઓળખો એમ કહે છે.
....મહાસતો સીતાજીનું દિવ્ય અને દક્ષિs
૧૩૧
