________________
૧૦)
રિમ દિવણ ભ૮૦ ૭......
વિરોધ પણ વિક્ષેપ ઉપજાવનારો છે અને એથી લોકને વિરોધનું કારણ ન મળે એની જરૂર કાળજી રાખવી જોઈએ; પણ લોકના વિરોધ ખાતર ધર્મનો ત્યાગ કરવો, એ તો મૂર્ખાઈ જ છે. લોક આપણી આરાધનામાં વિક્ષેપ ઉપજાવનારો ન નિવડે તેમજ લોકમાં રહેલા યોગ્ય જીવોને ધર્મની આરાધનામાં યોજી શકાય, એ માટે ઔચિત્યપાલન કરવું એ જુદી વાત છે અને લોકને રાજી કરવા માટે લોકની વાહ વાહ મેળવવાને માટે ધર્મકર્મોનો ત્યાગ કરવો એ જુદી વાત છે.
લોકપ્રિયતા એટલે શિષ્ટજતપ્રિયતા લોકપ્રિયતાને પણ ગુણ તરીકે વર્ણવીને, “ધર્મના અર્થી આત્માઓએ લોકપ્રિય બનવાનો પ્રયાસ કરવો જોઈએ' એવું ઉપકારી મહાપુરૂષોએ જરૂર ફરમાવ્યું છે અને લોકપ્રિયજનો ધર્મના ઉત્તમ પ્રકારના આરાધક બનીને ઈતરોને પણ ધર્મના ઉપાસક બનાવનારા નિવડે છે, એય વાત બરાબર છે પણ એજ ઉપકારી મહાપુરૂષોએ ફરમાવ્યું છે કે, લોકપ્રિયતા' એટલે શિષ્ટજનપ્રિયતા' એવો અર્થ સમજવાનો છે. લોકપ્રિય બનવું એટલે શિષ્ટજનપ્રિય બનવું, એ વાતને બરાબર યાદ રાખવાની જરૂર છે. શિષ્ટજનપ્રિય બનવા માટે પણ શું શું કરવાનું ઉપકારીઓએ ફરમાવ્યું છે, એ જાણો છો ? પરનિદાદિ ઈહલોક વિરૂદ્ધ કાર્યોનો, ખરકર્માદિ પરલોક વિરૂદ્ધ કાર્યોનો અને ધૂતાદિ ઉભયલોક વિરુદ્ધ કાર્યોનો ત્યાગ કરવો તેમજ ઘન, વિનય અને શીલના ઉપાસક બનવું એમ ઉપકારીઓએ ફરમાવ્યું છે. શિષ્ટજનોને પરનિદાદિ લોકવિરુદ્ધ કાર્યો પસંદ હોતાં નથી તેમજ દાન, વિનય અને શીલ પસંદ હોય છે, એટલે લોકવિરુદ્ધને તજીને દાનાદિમાં પ્રયત્નશીલ બનેલાંઓ, શિષ્ટજનોની પ્રિયતાને સ્વાભાવિક રીતે જ પામી શકે છે. આમાં કયાંય લોકોને રાજી કરવા માટે કે લોકની પાસે વાહ વાહ ગવડાવવા માટે ધર્મનો ત્યાગ કરવાની વાત છે? નહિ જ, કારણકે સાચા ઉપકારીઓ એવી કોઈ વાત કરે જ નહિ.
