________________
૧૨૬
મિ નિર્વાણ ભ૮૮ ૭....
પાંચમાંથી કોઈપણ દિવ્ય કરવાની તૈયારી શ્રી રામચંદ્રજીની આ સ્પષ્ટતાથી શ્રીમતી સીતાજી ગંભીર બની જાય છે. શ્રીરામચંદ્રજી કબુલ કરે છે કે, તમારામાં દોષ નથી અને કહે છે કે, લોકોએ ઉત્પન્ન કરેલા દોષના નિવારણ માટે જ દિવ્ય કરવાની જરૂર છે.” એટલે શ્રીમતી સીતાજીને પણ એ વાત ગમી જાય છે; કારણકે મિથ્યા લોકાપવાદને ટાળવા માટે શ્રીમતી સીતાજી ઉત્સુક જ હતા અને છે. આથી શ્રીમતી સીતાજી કહે છે કે, 'પાંચ પ્રકારના દિવ્યો છે અને તે પાંચ પૈકી જે કોઈ દિવ્ય તમને રુચિકર હોય, તે કરવાને હું તૈયાર છું. તમારી ઈચ્છા હોય, તો હું બળતા અગ્નિમાં પ્રવેશ કરવાને તૈયાર છું તમારી ઈચ્છા હોય, તો મંત્રેલા ચોખા ખાવાને પણ હું તૈયાર છું તમારી ઇચ્છા હોય, તો હું તુલા ઉપર ચઢવાને ય તૈયાર છું. તમારી ઇચ્છા હોય, તો હું તપાવેલા સીસાના રસનું પાન કરવાને ય તૈયાર છું અને તમારી ઈચ્છા હોય તો મારી જીભ ઉપર શસ્ત્રની ધાર લેવાને પણ હું તૈયાર છું ! આમ પાંચે ય પ્રકારનાં દિવ્યો કરવાને માટે હું તૈયાર જ છું. માટે જે કોઈ દિવ્ય કરાવવાની તમારી ઈચ્છા હોય તે કહો !'
દિવ્ય માટે લોકોનો નિષેધ શ્રીમતી સીતાજીનાં આ વચનોએ ભયંકર ખળભળાટ મચાવી મૂક્યો. શ્રીમતી સીતાજી દિવ્ય તો કરશે ત્યારે કરશે, પણ આ દિવ્ય કરવાની આવી તૈયારી દેખાડી, એની સાથે જ લોકોએ દિવ્ય નહિ કરાવવા માટે જોરશોરથી કહેવા માંડયું અન્તરિક્ષમાં સિદ્ધપુત્ર સિદ્ધાર્થે અને નારદજીએ તેમજ ત્યાં રહેલા સર્વ લોકોએ, દિવ્યની વાતનો જબ્બર નિષેધ કરતાં કહ્યું કે,
“મો મો રાઘવ સાતેય, નિશ્ચયેન સતી સતી ? महासतीति मा कार्षा-विंकल्पमिह जातुचित् ॥१॥"
લોકો રાડો પાડી પાડીને શ્રી રામચંદ્રજીને કહે છે કે આ શ્રીમતી સીતા નિશ્ચયથી સતી છે. સતી છે. મહાસતી છે. એમાં તમારે કોઈપણ પ્રકારે વિલ્પ કરવો નહિ !”
