________________
છે. શ્રીરામચન્દ્રજી વઘુ રાજાને ઉદ્દેશીને કહે છે કે, ‘મારે મન તમે આ ભામંડલના જેવા જ સંબંધી છો; કારણકે તમે જ મારા આ બે પુત્રોને ઉછેરીને આટલી ઉચ્ચ કક્ષાએ પહોંચાડયા છે.’
અયોધ્યામાં પ્રવેશ અને ઉત્સવ
આ પછી શ્રીરામચંદ્રજીએ અયોધ્યામાં જ્વાની તૈયારી કરી. પુષ્પક નામના વિમાનમાં અર્ધ આસન ઉપર શ્રીરામચંદ્રજી તથા શ્રીલક્ષ્મણજી બેઠા અને અર્ધ આસન ઉપર તેમણે લવણ-અંકુશને બેસાડયા. અયોધ્યાનગરીમાં પ્રવેશીને તેઓ જ્યારે રામહાલય તરફ ઈ રહ્યા હતા, તે વખતે નગરીના લોકો વિસ્મય પામ્યા થા,પગની પાની અને ડોક બન્નેય ઉંચા કરીને, તેમને જોઈ રહ્યા હતા અને લવણ-અંકુશની સ્તુતિ કરતા હતા. શ્રીરામચંદ્રજીએ પોતાના રામહેલમાં આવીને અને વિમાનમાંથી સૌની સાથે ઉતરીને, ઘણાં જ આનંદથી ઘણો જ મોટો એવો ઉત્સવ કરાવ્યો.
શ્રીમતી સીતાજીને તેડી લાવવા વિનંતિ
એકવાર અવસર પામીને શ્રીલક્ષ્મણજી, સુગ્રીવ, બિભીષણ, હનુમાન અને અંગદ વગેરે એકઠાં મળીને શ્રીરામચંદ્રજીને વિનંતિ કરે છે કે, ‘આપે ત્યાગ કરેલો હોવાથી આપનો વિરહ ભોગવી રહેલાં દેવી
શ્રીમતી સીતાજી અત્યારે પરદેશમાં છે અને આ કુમારો વિના તો તેઓ ઘણા જ ધ્યે પોતાનો સમય પસાર કરે છે. આ કારણે, હે સ્વામિન્ ! જો આપ ફરમાવતા હો તો અમે તેમને તેડી લાવીએ; અન્યથા, પતિ પુત્ર બન્નેથી રહિત બનેલાં તે સતી મરણને પામશે.'
અને
શ્રીરામચંદ્રજીનો ઉત્તર
શ્રી લક્ષ્મણજી આદિની આવી વિનંતિની સામે પણ શ્રીરામચંદ્રજી વિચાર કરીને કહે છે કે ‘શ્રીમતી સીતાને એમ લવાય શી રીતે ? જો કે, લોકાપવાદ જુઠ્ઠો જ છે, પણ જુઠ્ઠો એવો ય લોકાપવાદ બળવાન અંતરાયને કરનારો છે. હું જાણું છું કે, શ્રીમતી સીતા સતી છે, તેમ શ્રીમતી સીતા પણ પોતાને નિર્મળ જાણે છે; આ દશા એવી છે કે, આમા દિવ્ય કરનારને માટે ય ભય જેવું કશું નથી
પરાક્રમો પુત્રો લવણ અને અંકુશ....૫
૧૧૫
