________________
.ભ૮- શિયાળા અયોધ્યા..........
૧૯૧ થવાની ના પાડે છે એ મોહના યોગે, પણ રાજગાદી લેવાની એક
રૂંવાટેય શ્રી રામચંદ્રજીના દિલમાં ઇચ્છા નથી અને નાનાભાઈના છત્રધર બની રહેવાની તૈયારી છે, એ ગુણ ખરો કે નહિ ? ગાદી ઉપરથી ઉઠાડી મૂક્વાની ધમાલ ત્યાં નહોતી. ત્યાં ગાદી લેવાની ધમાલ નહોતી, પણ ગાદી દેવાની ધમાલ હતી.
આપણે લેવો જોઈતો હિતકર બોધ આવા પ્રસંગે આપણે આપણી દશાનો વિચાર કરીને જે કાંઈ હિતકર હોય તે ગ્રહણ કરવાને તત્પર બનવું જોઈએ. શ્રી રામચંદ્રજી જેવા ઉત્તમ આત્માને પણ બંધુસ્નેહરૂપ મોહ આ રીતે મૂંઝવે છે, તો આપણી શી હાલત ? માટે જેમ બને તેમ મોહની સામગ્રીથી દૂર રહેવું, કે જેથી મોહના ઉદયને વિષમરૂપ ધારણ કરવાનું નિમિત્ત ન મળી જાય! આવો વિચાર કરવો જોઈએ અને સાથે સાથે શ્રી રામચંદ્રજીની રાજગાદી પ્રત્યેની નિ:સ્પૃહતા વિચારવી જોઈએ. કેવળ બંધુસ્નેહના યોગે જ શ્રી રામચંદ્રજી શ્રીભરતજીને રાજગાદીની સઘળી માલિકી સોંપે છે એમ ન માનતા, બંધુસ્નેહને વશ થઈને કેટલા ભાઈઓએ બાપની સઘળીય મિલ્કત પોતાના નાના ભાઈને વગર ઈર્ષ્યાએ ભોગવવા દીધી અને પોતાની રળેલી લક્ષ્મી પણ આપી દીધી. આજે તો મિલ્કતના લગભગ ઘેર ઘેર કજીયા છે. થોડું ઓછું વધતું થાય તેમ ખમાતું નથી. સગા બાપની સામે કોર્ટોએ જનારા અને સગા ભાઈને રઝળતો કરી મૂકનારા આજે દુનિયામાં હયાત છે. અર્થકામની અત્યંત આસક્તિના યોગે પ્રગટેલી કેવળ પેટભરી, સ્વાર્થી અને શરમ વગરની મનોદશાના યોગે આજના યુગમાં તો કારમાં બનાવો બની રહ્યા છે. એ તરફ નજર રાખીને અને પોતે શ્રીરામચંદ્રજીના સ્થાને હોય તો શું કરે એનો વિચાર કરીને શ્રી રામચંદ્રજીએ કહેલાં વચનો વિચારવા જેવાં છે.
શ્રી દશરથનું કુટુંબ એ એક આદર્શ કુટુંબ છે. સંસારમાં રહેલા પણ તે આત્માઓ આજની જેમ સંસારના કીડાઓ નહોતા. | માતાપિતા પ્રત્યેનો પૂજ્યભાવ, ભાઈ-ભાઈ વચ્ચેનો સ્નેહ, સાસુવહુનો માતા-પુત્રી જેવો સંબંધ, મોટાભાઈ-નાનાભાઈનો
