________________
(७४)
1 ‘एत्थ णरणाह णवरं चउगइ-संसार-सायरे घोरे ।
वेरग्ग-कारणं चिय सुलहं परमत्थ-रूवेणं । 3 जं जं जयम्मि मण्णइ सुह-रूवं राय-मोहिओ लोओ।
तं तं सयलं दुक्खं भणंति परिणाय-परमत्था ।। 5 तिण्हा-छुहा-किलंता विसय-सुहासाय-मोहिया जीवा । ___जं चिय करेंति पावं तं चिय णाणीण वेरग्गं ।। 7 जेण पेच्छ, भो भो णरणाह,
जे होंति णिरणुकंपा वाहा तह कूर-कम्म-वाउरिया । 9 केवट्टा सोणहिया महु-घाया गाम-घाया य ।।
णरवइ-सेणावइणो गाम-महाणयर-सत्थ-घाया य । 11 आहेडिया य अण्णे जे विय मासासिणो रोद्दा ।।
देंति वणम्मि दवाग्गिं खणंति पुहई जलं पि बंधति । 13 धाउं धर्मति जे च्चिय वणस्सई जे य छिंदति ।।
अण्णे वि महारंभा पंचेंदिय-जीव-घाइणो मूढा । 15 विउल-परिग्गह-जुत्ता खुत्ता बहु-पाव-पंकम्मि ।।
बहु-कोहा बहु-लोहा माइल्ला माण-मोह-पडिबद्धा । 17 जिंदण-गरहण-रहिया आलोयण-णियम-परिहीणा ।।
एए करेंति कम्मं मह कुल-णीइ त्ति णिच्छिय-मईया । 19 अवरे भणति वित्ती अम्हाण कया पयावइणा ।।।
अवरे वि व्वय-रहिया अवरे धम्मो त्ति तं चिय पवण्णा । 21 अवरे अवर दाएंति मूढयं चेय मूढ-मणा ।।
जीविय-हेउं एवं करेंति अम्हाण होहिइ सुहं ति ।
1) P सागरे. 5) P तण्हा. 6) P नाणेण. 7) P पिच्छा. 9) P कोवट्टा सोणिहया. 10) P नरवर. 11) P मंसासिणो. 12) P दढग्गी for दवगिं, P खणं च पु०, P च for पि. 13) P जे विय वणस्सयं. 14) P च for वि, P मूला. 17) P नयण for णियम. 18) J कुलणीति त्ति, P मईय. 20) P om. अवरे वि व्वयरहिया, J वि वय, P धम्मं ति. 21) P दाणं ति for दाएंति. 22) P हेऊ, J एयं, P तम्हान for अम्हाण.
