________________
तओ अफलियावरववसाओ जाओ नयरमज्झमि भारवाहओ । भारपमाणेण लहइ भाडि । अन्नया कया वि एगेण सेट्टिणा समाहूओ मंगलो । अप्पिओ घियकुंभो, बोल्लिया भाडी । तओ उप्पाडिउप्पाडिऊण कओ नियमत्थए मंगलेण। चलिओ पिट्टिलग्गो जहाठाणं गंतुं । गच्छंतो चिंतइ मंगलो। अणेण भाडिलद्धेण दव्वेण नूणं मए गहियव्वाणि बोराणि । तओ निप्पन्नकणासु खलवाडीसु विक्किऊण करिस्सामि बिउणं दव्वं । तओ फुटचणयगज्जरबोराइयं लेऊण विक्कणंतस्स निच्चं मे भविस्सइ महालाहो । जओ अन्नाणं वाणिज्जियाणं न को वि किं पि बोराई गिहिस्सइ । तओ लज्जायरं उब्भवाणिज्जं मोत्तूण चणयाइपसारयहढें मंडिस्सं रायमग्गे। तओ ऊसवनिरक्खणत्थं आगमिस्सइ इत्थ नयरे बहूओ गामलोओ । सो वि अन्नहट्टाणि मोत्तूण समग्घदायगस्स आवज्जण-विसज्जणमहुरवाणिस्स मज्झ हट्टे चणगाई किणस्सइ । किराणयं च मह हट्टे बहुयं अत्थि । इत्थं विढविस्सामि घणं दव्वं । तओ चणयपसारयमंडणेण लज्जंतो मंडिस्सामि कणहढें । तत्थ रायलोगस्स वरया मह हट्टे भविस्संति । तओऽहं कयविक्कयकारयं अहिगारिपुरिसं तंबोलाईहिं आवज्जिऊण सेच्छाए जहा समीहियं लाहं गिहिस्सं । कणहट्टे वि दालिपीसणकणाणयणघियतोलणाईहिं कटुं मोत्तूण मंडिस्सं गंधियहढें । तत्थ अप्पेण दव्वेण किराणयं गिण्हेऊण महग्घं दितस्स मम दव्वं न माइस्सइ । परं तत्थ हिंगुल्हसणाइगंधेण उब्भज्जिऊण सुहसझं मंडिस्सं दोसियहढें । जाणि दिव्वाणि बहुमोल्लाणि वत्थाणि ताणि मह हट्टे च्चेय भवस्संति न अन्नस्स । तओ मे हट्टं वत्थसंपत्तिआहए चडिस्सइ । तओ रिद्धो नागरियलोओ अमच्च-मंडलेसरप्पमुहप्पहाणरायवग्गो मम हट्टे दुगूलाइं किणंतो कया वि रायपुरओ मं पसंसिस्सइ । तओ राया हक्कारिऊण ढोईयउचियपाहुडं मं भणिस्सइ । जहा तए च्चिय मम मुल्लेण दिव्ववत्थाणि देयाणि । तओऽहं
चन्द्रप्रभचरित्रे द्वितीयः परिच्छेदः ।
३३१
