________________
आगओ रायसिन्नंमि, भमंतो रायगुडुरे । संपत्तो य तओ दिट्ठो, सोहग्गसुंदरीइ सो ॥१४१।। अच्चतरूवं तं साहुं, दटुं सोहग्गसुंदरी । चिंतेइ विम्हिया रूवे, केरिसे कीरिसी खमा ? ॥१४२।। तओ उचियमाहारं, दिती सद्धाइ मुद्धिया । साहुं भणइ हासेण, किं सवेले उस्सूरयं ? ॥१४३॥ अत्थं नाऊण साहू वि, भासए विजिइंदिओ। महाभागे ! वियाणामि, न याणामि पुणो वि य ॥१४४॥ गहिऊण कप्पणिज्जं, भत्तं धोयणमेव य । जहाट्ठाणं गओ साहू, पच्छा सोहग्गसुंदरी ॥१४५।। मुणिवायाइ भावत्थं, अजाणंती पुणो पुणो । पयाई ताई बुद्धीए, परावत्तेइ सा मणे ॥१४६।। न य अप्पंति भावत्थं, पयाणि ताणि सा पुणो । मयणसुंदरं भूवं, पुच्छेइ सो वि मंतिणो ।।१४७।। पडिपुच्छेइ जाणंति, न ते वि हु वियारिउं । तओ राया समं तेहिं, सोहग्गसुंदरीजुओ ॥१४८।। गओ तत्थेव जत्थत्थि, काउसग्गेण सो मुणी । तं नमसेइ भत्तीए, दाऊण तिपयाहिणं ॥१४९।। काउसग्गं स पारित्ता, धम्मलाभं भणेइ य । ताण अणुग्गहट्ठाए, करेइ धम्मदेसणं ॥१५०॥ जीवाण दुट्ठकम्मम्मि, घुम्मियाणं इओ तओ ताण । बहुपोग्गलपरियट्टावट्टविवट्टीण अणवरयं ॥१५१॥ घणजोणिलक्खकच्छवगलत्थणातिक्खदुक्खदुहियाण । किण्हप्पमुहकुलेसाअवालसेवालकलियाण ॥१५२॥
३२४
चन्द्रप्रभचरित्रे द्वितीयः परिच्छेदः ।
