________________
इओ तओ य छंडेइ, तिणाई कोवभावओ । पासित्ता नीडमॉमि, अंडयाइं तओ य सो ॥१०॥ दिप्पंतकोहदहणो, किं पि वेरमुवागओ । चंचुउडेण गिण्हित्ता, अंडयाई खिवेइ सो ॥११॥ पडिया अंडया हितु, तट्टित्ति फुट्टयंति य । चडओ हट्ठतुट्ठो सो, अंडगपासमागओ ॥१२॥ तओ य चंचुघाएहि, हणेइ अंडयाई सो । पुणो पुणो य पासेइ, दिसि पक्खा ससंभमो ॥१३॥ अंडयाण तओ मायापियरो य समागया । नीडं पासंति विक्खित्तं, दुद्वेण तेण सत्तुणा ॥१४॥ पाडियाइं अहोभूमि, फुट्टाणि अंडयाणि तो । पासंति मायापियरो, तं दुटुं चडयं पि हु ॥१५।। अवच्चमच्चुदुक्खेण, अच्चंतं कोवभावओ । अंडयमायापियरो, तं सत्तुचडयं पइ ॥१६॥ आगम्म झुज्झिउं लग्गा, कोहेण बलवंतया । अन्नोन्नचंचुघाएण, आहणंति गयकिवा ॥१७॥ अन्नोन्नं चंचुपुडयं, गिण्हित्ता उच्छलंति य । पडित्ता य पुणो लिंति, चरणेहिं गहं दढं ॥१८।। जो हिढे उवरिल्लेण, सो चंचूहि हणिज्जए । गहिऊण महापाणं, हेट्ठिल्लोपरि यत्तए ।।१९।। अजाणतो व्व पहारे, हिट्ठिल्लो उवरि ठिओ । दुगुणेहिं पहारेहिं, हणेइ चडयं परं ॥२०॥ जयवंतो जया भत्ता, तया सा चिडिया वि हु। ताडेइ वेरिचडयं, सव्वंगेसु खणे खणे ॥२१।। एवं ते दो वि चडया, झुझंता अवरोप्परं । चंचुघाएहिं मम्मंमि, हया पंचत्तमागया ॥२२॥ पूर्वभववर्णनम् ।
३०९
